Er mai dim ond wythnos sydd ers i Eisteddfod yr Urdd 2010 orffen, mae sylwebyddion eisoes yn cyfeirio ati fel un o’r eisteddfodau gorau o fewn cof. Roedd yn wythnos lwyddiannus iawn i Wasanaeth Addysg y Llyfrgell, ac roedd prysurdeb ein stondin ar y Maes yn rhoi’r cyfle i ni gyfarfod â llu o ddisgyblion, athrawon, rhieni a phobl eraill o bob rhan o Gymru.
Heddiw Parcrhydderch yw’r adeilad cyntaf welwch chi wrth groesi pont Gwenffrwd ar hewl y B4342, a chamu o blwyf Nantcwnlle i blwyf Llangeitho. Mae’n debyg bod y Parcrhydderch gwreiddiol yn agosach at lan Afon Aeron, sawl canllath o’r un sy’n sefyll nawr.
Mae cynnwys y llawysgrif hynod hon mor berthnasol â’i hanes. Chwedlau’r Mabinogi yw trysor mwyaf rhyddiaith Cymru, a Llyfr Gwyn Rhydderch yw’r copi ysgrifenedig cyflawn cynharaf o’r rhain.
Roedd yn braf gweld y llawysgrif hon yn dychwelyd i Ddyffryn Aeron am wythnos, ac yn brafiach fyth gweld ei bod yn dal i gyffroi a diddori pobl o bob oedran.
Owen Llywelyn, Gwasanaeth Addysg LLGC