Ym mis Hydref byddwn yn cael ‘Jeli’ yn y Llyfrgell Genedlaethol Cymru am y tro cyntaf! Nid rhywbeth i’w fwyta fydd y ‘Jeli’ hwn, ond digwyddiad a fydd yn gyfle i bobl weithio, sgwrsio a chydweithio mewn awyrgylch gyfeillgar a hamddenol gan gyfarfod â phobl newydd o’r un anian a hwy.
Bydd yn ddigwyddiad delfrydol i fentrau a busnesau newydd a bychain i ganolig eu maint. Byddwn yn darparu cadeiriau, desgiau, wi-fi, te, coffi a chinio. Cewch gyfle i gwrdd â phobl ddiddorol, siarad a thrafod syniadau a hwy!
Dewch a’ch cyfrifiadur neu beth bynnag fydd angen arnoch i wneud eich gwaith.
I gofrestru ewch at www.inventorium.org/events
Yn ystod y Jeli bydd cyfle i drefnu sesiynau gyda PATLIB Cymru, corff sy’n rhoi cymorth i unigolion wneud y mwyaf o’u syniadau yng Nghymru trwy ddarparu gwybodaeth ar Eiddo Deallusol. Ariennir PATLIB Cymru yn rhannol gan Gronfa Ddatblygu Rhanbarthol Ewrop.
I drefnu eich apwyntiad yn ystod y Jeli, ffoniwch Llinell Gwybodaeth Busnes Llywodraeth Cymru ar 03000 6 03000.
Cefnogir y digwyddiad gan Y Bont (Aberystwyth), Llyfrgell Genedlaethol Cymru, Prifysgol Aberystwyth a’r Inventorium.
Ble : Llyfrgell Genedlaethol Cymru, Aberystwyth, Ceredigion. SY23 3BU
Pryd : 4ydd o Hydref 10.00 tan 16.00
O ble daw’r enw ‘Jeli’?
Cynhaliwyd y Jeli cyntaf yn Efrog Newydd ym mis Chwefror 2006. Roedd Amit a
Luke yn rhannu tŷ ac wrth eu bodd yn gweithio o’u cartref. Ond yn fuan sylweddolon nhw eu bod yn methu bwrlwm sesiynau syniadau creadigol, y rhannu a’r gwmnïaeth a geir mewn swyddfa draddodiadol.
Felly fe ddechreuon nhw wahodd ffrindiau i’w cartref i weithio am ddiwrnod yr wythnos. Daethant i weld fod gweithio’n agos at bobl newydd a diddorol bob hyn a hyn yn arwain at syniadau newydd a sgyrsiau diddorol.
Roedd y trefniant yn un llwyddiannus o’r dechrau ac fe wnaethpwyd yr achlysur yn un rheolaidd ac felly dechreuodd y Jeli.
Mae'r cofnod hwn hefyd ar gael yn: English