Mae’n swyddogol - mae’r Nadolig wedi cyrraedd y Llyfrgell Genedlaethol wedi i ni gynnal ein gwasanaeth carolau blynyddol ar ddydd Mercher 12 Rhagfyr.
Mae hi bellach yn draddodiad poblogaidd i gynnal gwasaneth o’r fath, ac roedd hi’n braf i gymeryd ychydig o seibiant yn ystod y rhuthr arferol adeg yma o’r flwyddyn i cael amser i feddwl, ystyried a mwynhau neges yr Ŵyl.
Rydym yn gwahodd gwahanol gapeli ac eglwysi’r dre i gymeryd y rhannau arweiniol, ac eleni gwahoddwyd aelodau Eglwys Sant Mihangel dan ofal y Parchedig Ganon Stuart Bell, gyda David Evans yn cyfeilio wrth yr organ.
Gosododd y gwasanaeth naws hyfryd wrth i ni ganu nifer o garolau traddodiadol ynghyd â darlleniadau pwrpasol, a hyfryd oedd gweld y lle’n gyfforddus lawn. Diolch yn fawr iawn i aelodau Eglwys Sant Mihangel, Aberystwyth am eu cyfraniad gwerthfawr.
Cynhaliwyd casgliad ar diwedd y gwasanaeth gan aelodau Cymdeithas Staff y Llyfrgell a llwyddwyd i godi £60.00 tuag at Ward Angharad, ward y plant yn Ysbyty Bronglais, Aberystwyth.
Diolch yn fawr iawn i bawb cyfrannodd at y gwasanaeth, ac i bawb am eu cefnogaeth!
Cyril Evans