Mae Llyfrgell Genedlaethol Cymru yn chwilio am wirfoddolwyr i gynorthwyo gyda phrosiect sy’n cofnodi effaith y Rhyfel Mawr ar bob agwedd o fywyd, iaith a diwylliant Cymru.
Tapiau sain o gyfweliadau â phobl o ardaloedd pyllau glo De Cymru sy’n sôn am eu profiadau yn ystod y Rhyfel, yw’r casgliad o dan sylw, a’r nod yw sicrhau bod y casgliad yn hygyrch.
Mae’r gwaith yn cynnwys gwirio a golygu trawsgrifiadau o dapiau sain, ynghyd â chreu trawsgrifiadau o’r newydd. Bydd gwirfoddolwyr yn derbyn y tapiau sain ar Gof Bach USB a bydd gofyn iddynt drosglwyddo’r cynnwys i ddogfen ‘Word’ a’i e-bostio yn ôl i’r swyddog prosiect. Darperir canllawiau.
Gofynion hanfodol:
• Y gallu i weithio’n annibynnol;
• Sgiliau TG – ‘Word’, e-bost, a phrofiad o weithio gyda Realplayer neu Quicktime;
• Sgiliau llythrennedd da iawn yn Gymraeg a/neu Saesneg;
• Gofalus a threfnus.
Medrwch weithio o’ch cartref, fel sy’n gyfleus.
Am ragor o wybodaeth, neu i ddatgan diddordeb, cysylltwch â:
Gwyneth Davies, Cydlynydd Gwirfoddolwyr,
Ffôn – 01970 632991
E-bost – gwd@llgc.org.uk