Mae tîm arddangosfeydd a thîm casgliadau’r Llyfrgell yn prysur baratoi ar gyfer arddangosfeydd tymor yr Hydref.
Uchafbwynt y tymor fydd arddangosfa’r 4 Llyfr: Eiconau Cymraeg Ynghyd.
Am y tro cyntaf erioed, byddwn yn dod â llawysgrifau llenyddol pwysicaf Cymru ynghyd.
Bydd y cyfle cyntaf erioed i weld y bedair llawysgrif enwog a ddyrchafwyd i statws eiconig yn Four Ancient Books of Wales (Skene) gyda’u gilydd:
• Llyfr Du Caerfyrddin
• Llyfr Taliesin
• Llyfr Aneirin
• Llyfr Coch Hergest
A bydd cyfle hefyd i weld trysorau eraill y Gymraeg, megis:
• dwy ran Llyfr Gwyn Rhydderch (c. 1350), yn cael eu dangos ochr-yn-ochr am y tro cyntaf
• Llawysgrif Hendregadredd (c. 1300), a ganfuwyd mewn cwpwrdd dillad, ac sy’n cynnwys llawysgrifen Dafydd ap Gwilym
Llawysgrif Boston
• Llawysgrif Boston o Gyfraith Hywel Dda (c. 1350-1400), yr ychwanegiad diweddaraf at drysorau’r genedl
Dyma ail ymweliad Llyfr Coch Hergest o Goleg Iesu Rhydychen, â Chymru ers iddo fynd yn alltud yno yn 1701 (yr ymweliad cyntaf oedd yr un â’r Llyfrgell Genedlaethol yn 1982).
Beth am i chi drefnu ymweliad â’r Llyfrgell Genedlaethol i weld y llawysgrifau hyn ynghyd â chael taith gyffredinol o’r Llyfrgell fydd yn rhoi cyflwyniad i chi ar hanes y Llyfrgell – yr adeilad a’i chasgliadau.
www.llgc.org.uk neu post@llgc.org.uk
Mae'r cofnod hwn hefyd ar gael yn: English