Cyngor Archifau a Chofnodion Cymru
Archives and Records Council Wales
NEWYDDION
Mae holiadur ail Arolwg Technoleg Gwybodaeth a Chyfathrebu
Amgueddfeydd ac Archifau ar gael yn awr yn:
http://www.peoplesnetwork.gov.uk/content/ictsurvey.asp.
Cynhaliwyd yr arolwg cyntaf yn 2001 er mwyn cael darlun llinell
sylfaen o'r defnydd a wneir o TGCh gan amgueddfeydd ac
archifdai'r DU, a'i datblygiad o ran isadeiledd, cynnwys a
sgiliau. Mae'r ail arolwg yn ymchwilio'n fwy manwl i sut yr
arferir y dechnoleg i ddarparu gwasanaethau i'r defnyddwyr.
Bydd ei ffigyrau yn dystiolaeth werthfawr wrth geisio am
ragor o fuddsoddiad mewn TGCh yn y sector hwn.
Mae Cyngor Archifau Cymru wedi derbyn gwahoddiad i gymryd
rhan yn Adolygiad Cofnod Henebion Cenedlaethol (Lloegr).
Gellir cael mwy o fanylion ynghyd â chopi o'r papur
ymgynghorol yn:
http://www.nmrreview.org/. Y dyddiad cau ar gyfer yr
ymgynghoriad yw 4 Chwefror 2004.
Rhagwelir lansio'r adroddiad rywbryd yn ystod mis Mawrth
2004. Bydd y Tasglu yn ei drafod unwaith eto ym mis Ionawr.
Yn Rhagfyr 2003 caiff y budd-ddeiliaid allweddol, gan gynnwys
ACW, eu cylchredeg â rhagflas o gasgliadau'r adroddiad, a'i
argymhellion. Bydd yr adroddiad yn ymwneud â materion
fel: estyn allan a dehongli, adeiladu capasiti, arweinyddiaeth
y peuoedd, a fframwaith hyfforddiant. Canolbwynt yr argymhellion
fydd Rhwydwaith Archifau'r Deyrnas Unedig.
CYNLLUNIO I WELLA
Cynhelir Cynllunio i Wella: Cynhadledd Llyfrgelloedd a Gwybodaeth Cymru 2004 yng
Ngwesty'r Metropole, Llandrindod, ar 11 Mawrth 2004 ac y mae'r
rhaglen yn cynnwys sesiwn ar gyfer archifyddion:
Stuart Davies, Resource, 'Casgliadau ac argymhellion y Tasglu
Archifau'; Hywel Roberts, 'Y Tasglu Archifau a Chymru'; a
Janice Taylor, Swyddog Datblygu Archifau Gogledd Orllewin
Lloegr, 'Gweithredu ac adolygu strategaeth archifau ranbarthol
y Gogledd Orllewin'. Bydd ffurflenni archebu ar gael yn fuan.
CyMAL
Mae swyddi CyMAL yn cael eu hysbysebu yn
http://www.cymru.gov.uk/recruitment/cymal-w.htm.
SEMINAR HAWLFRAINT
Bydd Culturenet Cymru yn cynnal seminar ar hawlfraint yn
Ystafell y Cyngor, Llyfrgell Genedlaethol Cymru, Aberystwyth,
ar Ddydd Llun, 19 Ionawr 2004. Bydd y digwyddiad hwn am
ddim, felly cyntaf i'r felin caiff falu. Os oes gennych
ddiddordeb, dylech gadarnhau'ch presenoldeb mor fuan â
phosibl. Anfonwch eich enw at:
glyn@culturenetcymru.com.
Y CYNULLIAD A HANES LLEOL
Cynulliad Cenedlaethol Cymru: Atebion i Gwestiynau nas
cyrhaeddwyd yn y Cyfarfod Llawn, 19 Tachwedd 2003
Hybu Hanes Lleol
'Cwestiwn 9 Brian Gibbons: Pa gamau sy'n cael eu cymryd
i hyrwyddo hanes lleol yng Nghymru? (OAQ29664)
Alun Pugh: Mae amgueddfeydd lleol, llyfrgelloedd a gwasanaethau
archifo drwy Gymru yn darparu cefnogaeth i grwpiau hanes lleol
a'r sawl sydd â diddordeb mewn olrhain hanes eu teulu. Mae
Llyfrgell Genedlaethol Cymru yn darparu gwasanaeth hanes
teulu cynhwysfawr, wedi'i deilwra i ymholiadau unigol. Yr wyf
hefyd yn falch iawn o adrodd bod menter Llywodraeth y
Cynulliad, prosiect Culturenet Cymru, Arwyr Cymru, wedi cael
effaith enfawr. Mae'r wefan a sefydlwyd i gofnodi pleidleisiau
wedi derbyn dros 1 filiwn o ymweliadau hyd yn hyn.
I weld y cofnod, ewch i mewn i:
http://www.cymru.gov.uk/keypubrecordproceedings/index.htm;
yna dewis 'Cyfarfodydd Llawn'; ac yna '19/11/2003, Atebion'
(ceir yno fersiynau PDF a HTML).
ANABLEDD AC ARCHIFAU
Arweinlyfr Portffolio Anabledd Resource 10: Estyn Allan a
Phartneriaethau
Mae Resource yn chwilio am enghreifftiau o brosiectau estyn
allan a phartneriaethau sydd wedi eu datblygu rhwng archifdai
a phobl, cyrff, a grwpiau anabl. Cysylltwch â Linda
Sargent
neu Marcus Weisen (marcus.weisen@resource.gov.uk / 020 7273
1408) os medrwch helpu.
Cynhelir cyfarfod nesaf Cyngor Archifau Cymru yn Adran
Astudiaethau Gwybodaeth a Llyfrgellyddiaeth, Aberystwyth,
ar 26 Mawrth 2004.
Yn ôl i'r Tudalen Blaen
Mae'r tudalennau hyn yng ngofal
Swyddog y We
These pages are maintained by the
Web Officer
© LLGC/NLW 1997-2005