Presennol: S Edwards (Morg, Cadeirydd); S Beckley (GMorg); E Bennett (PCAbertawe); M Ellis (AGaLl); A Lloyd Hughes (AOCC); G Jenkins (LlGC); R Baker (HMC); D Rimmer (Gwent); A Rhydderch (Gwynedd) ); L Tomos (AGaLl); R Williams (CymdArch); J Watts-Williams (LlGC).

Ymddiheuriadau: S Jones (PRO); H Malaws (Henebion).

1	Cofnodion y cyfarfod diwethaf
	Cadarnhawyd cofnodion y cyfarfod diwethaf a gynhaliwyd ar 2 Mawrth 2000.

2	Tanysgrifiadau
	Enwyd y tanysgrifiadau oedd heb ddod i law.

3	Cyfarfod Gregynog 2000
	Roedd trefniadau cyfarfod blynyddol Gregynog ar 9 Medi wedi eu cwblhau.

4	Rhanbarth Cymru Cymdeithas yr Archifyddion
	Cafwyd cyfarfod llwyddiannus yng Nghaerdydd ar 20 Mawrth.

5	Polisi Archifau Cymru
	Trafodwyd y ddogfen ddrafft a ddosbarthwyd gan ME cyn y cyfarfod. Penderfynwyd newid teitl y ddogfen i 'Polisi Cenedlaethol Cymru ar Archifau a Chofnodion'; a gwnaethpwyd ambell amrywiad arall hwnt ac yma. Trafodwyd hefyd y trefniadau ar gyfer cyhoeddi'r ddogfen derfynol a'i chyflwyno i'r Cynulliad. Penderfynwyd argraffu mil o gopïau.

6	Resource a Chymru
	Roedd SE wedi ymuno â'r pwyllgor llywio dan gadeiryddiaeth Russell Thomas i drafod y ddogfen a baratowyd gan Hywel Roberts, AAGaLl. Nodwyd bod gwasanaethau archifau Lloegr yn elwa'n fawr o weithgarwch Resource a bod Cymru ar ei hôl hi unwaith eto.

7

Cyfansoddiad

Cafwyd adroddiad gan SB. Roedd cyfreithiwr Dinas a Sir Abertawe wedi ystyried goblygiadau troi CAC yn endid cyfreithiol. Er bod adroddiad y cyfreithiwr wedi'i gylchredeg i aelodau gweithgor CAC ers peth amser, nid oedd SB wedi derbyn unrhyw ymateb na gwneud mwy amdano ei hun. Dosbarthwyd copi o adroddiad y cyfreithiwr i bawb a oedd yn bresennol, ond penderfynwyd nad oedd amser i'w drafod. Cytunwyd y dylai SB ofyn i'r cyfreithiwr wneud mwy o ymchwil. Soniodd GJ fod NCA yn drafftio cyfansoddiad ar gyfer cwmni wedi ei gyfyngu gan warantiadau, ond efallai fod CAC yn wahanol oherwydd y mae mwy o awdurdodau lleol ynglŷn ag ef. Yn nes ymlaen byddai GJ yn holi Cyfarwyddwr Gweinyddiaeth LlGC am ei farn ar gyfansoddiad drafft CAC.

8

Prosiect Mapio

Roedd ffacs Steven Jones (PRO) wedi dod i law ychydig cyn y cyfarfod yn dweud bod y dadansoddi wedi'i orffen, a'r adroddiad terfynol a'r casgliadau wedi'u hamlinellu. Roedd SJ yn barod i drafod yr amserlen newydd. Mynegwyd peth pryder fod y data'n rhy hen erbyn hyn, ond cytunwyd bod angen cwblhau'r adroddiad. Penderfynwyd gofyn i SJ am amserlen newydd; sicrwydd fod data Cymru yn dal cymhariaeth â data Lloegr; a chopi o bob holiadur a gasglwyd er mwyn i'r sefydliadau eu gwirio heddiw. Cytunwyd i ddosbarthu copi o'r ffacs i bob aelod o CAC.

9

Rhwydwaith Archifau Cymru

Cafwyd adroddiad gan y Cadeirydd: cynrychiolwyr y partneriaid wedi cwrdd yn LlGC ym Mehefin a chytuno ar gynnwys yr elfen gatalogio a'r bwriad cyffredinol. Roedd Grŵp yr Archifyddion Sirol yn llunio rhestr o'r casgliadau y dylid rhoi blaenoriaeth iddynt. Hyblygrwydd y dull gweithredu — ambell archifdy i baratoi'r disgrifiadau gartref. Cyfansoddiad CAC — gweithgor yn ei baratoi. Graddfa gweithredu — 8 disgrifiad lefel casgliad yr wythnos. Strwythur reoli — angen mwy o fanylder. Caledwedd a meddalwedd — David Jeremiah yn ailasesu'r gofynion a'r costau. Arian partneriaeth — angen mwy o fanylion. Cynaladwyaeth — angen ymroddiad pob partner. Dosbarthwyd gan LT ganlyniadau holiadur CAC (3 Ebrill 2000) ynghylch TGaCh ac archifau Cymru. Awgrymodd SE efallai y byddai is-bwyllgor RhAC yn cyfarfod ganol mis Hydref i asesu'r cynnydd a thrafod ail-ysgrifennu'r cais. Roedd GJ o'r farn y dylai'r grŵp lletach gael cais diwygiedig yn sail i'w drafodaeth. Nodwyd mai'r prif anhawster oedd cael rhywun i baratoi'r cais diwygiedig. Roedd GJ yn gyndyn i gynnig gwasanaeth staff LlGC os byddai'r holl waith ychwanegol yn mynd yn ofer unwaith yn rhagor; ond er mwyn ceisio osgoi'r gost o gyflogi rhywun i wneud y gwaith, penderfynwyd gofyn i David Jeremiah.

10	CWLIS
	Adroddodd SE am gyfarfod 31 Mai 2000: WIS; Resource Cymru; strategaeth y Llyfrgell Brydeinig; datganiad gweledigaeth y Cynulliad; lansio'r safle e-lywodraeth cyntaf a Rhwydwaith y Bobl ar 11 Medi; cynllun strwythur TG y Cynulliad; cyfrannu at Addysg Gydol Oes ac adfywio cymunedau; CCN (NOF) a hyfforddiant; cronfa ymchwil WHELF.

11	Cronfa'r Cyfleoedd Newydd (NOF)
	Casglu'r Tlysau — cymal cyntaf y cais wedi'i gymeradwyo; yr ail gymal i'w baratoi erbyn Rhagfyr; yr holl bartneriaid i gyfarfod yn Llanbadarn, 4 Medi; Gayle Evans i sôn am y prosiect yng Ngregynog.

12	NCA
	Cafwyd adroddiad gan GJ: Nick Kingsley yn llenwi swydd newydd yr is-gadeirydd; y Cynghorau Archifau Rhanbarthol ddim yn cael cyllid gan DCMS; gobaith troi dogfen A2A yn safon Brydeinig; arolwg Bruce Jackson yn dangos bod y nifer annigonol o gadwraethwyr a recriwtir yn peri gofid.

13	Cyfarfod nesaf
	Dydd Gwener, 10 Tachwedd 2000, yn LlGC.

Yn ôl i'r Tudalen Blaen