| 1 | Croeso |
| Rhoddwyd croeso arbennig i'r Athro Hywel Roberts o'r Tasglu Archifol ac i Eluned Jones a oedd newydd ei phenodi yn Swyddog Datblygu ACW. |
| 2 | Ymddiheuriadau |
| S Beckley (G Morgannwg), A Venables (Môn), S Jones (PRO), D Rimmer (Gwent), T Moseley (Y Cynulliad). |
| 3 | Anerchiad gan yr Athro Hywel Roberts, Tasglu Archifol (TA) |
| Rhoddodd yr Athro Roberts adroddiad o gynnydd gwaith y TA. Fe fydd y TA yn cymryd golwg eang ac nid un hynod fanwl o'r maes archifol. Fe fydd yn edrych ar ddwy brif thema: (1) ehangu mynediad (2) codi proffil archifau yn y Deyrnas Unedig. Roedd y TA wedi clustnodi'r meysydd canlynol fel y rhai y bydd modd adeiladu arnynt tuag at gyrraedd ei dwy brif thema: marchnata, addysg a hyfforddiant, offer darganfod ffynonellau (h.y. catalogau), archifo electronig, a chadwraeth a chadwedigaeth. |
| 4 | Cofnodion y cyfarfod diwethaf |
| Cadarnhawyd cofnodion y cyfarfod diwethaf a gynhaliwyd ar 15 Tachwedd 2002. |
| 5 | Materion yn codi o'r cofnodion |
| 5.1 | Polisi Archifau Cymru |
| Roedd ME yn dal heb gael rhestr gyflawn o'r rhai a dderbyniodd yr argraffiad cyntaf. ME i ddosbarthu copïau i aelodau newydd y Cynulliad ynghyd â nodiadau briffio CyA. EJ i gynhyrchu fersiwn diwygiedig ar y We. |
| 5.2 | Fframwaith Dysgu a Mynediad |
| Adroddodd SE nad oedd y cyfarfod wedi ei gynnal hyd yma. SE i yrru adroddiad i GP i'w gylchredeg. |
| 5.3 | Ystadegau Archifol |
| EJ i ddosbarthu ei hadroddiad ystadegol i aelodau'r Gweithlu Ystadegau. |
| 5.4 | ELWa |
| Nid oedd ME wedi gwneud unrhyw beth ynglŷn â chael gwybodaeth gan ELWa am y CCET's. LT i ddosbarthu gwefan ELWa i'r aelodau; sylwadau i'w gyrru at EJ. |
| 5.5 | Public Services Quality Group (PSQG) |
| Roedd Charlotte Hodgson wedi e-bostio'r cofnodion i ME ac wedi cynnig dosbarthu ei hadroddiad. ME i ddosbarthu'r cofnodion a phenderfynwyd derbyn cynnig CH. |
| 6 | Adroddiad y Cadeirydd |
| 6.1 | CyMAL |
| Roedd ME wedi mynychu cyfarfodydd Grŵp Cynghori'r Gweinidog a oedd yn gyfrifol am CyMAL. Ymhlith materion eraill trafodwyd amserlen, Cyngor Ymgynghorol CyMAL, strwythur CyMAL, a Chydgordiad gyda Resource. Gwahoddwyd ME, LT a John Marjoram o Gyngor Amgueddfeydd Cymru i ffurfio grŵp llai i gynorthwyo Jane Edmonds i gynllunio CyMAL. Cynhalwiwyd dau gyfarfod a gwnaethpwyd cynnydd mawr ar y materion a oedd yn cyffwrdd â'r tri maes. Roedd Jane Edmonds yn gweithio yn awr ar strwythur diwygiedig ar gyfer CyMAL. |
| 7 | Adroddiad yr Is-gadeirydd |
| 7.1 | Cymru'n Creu |
| Adroddodd SE iddi fynychu cyfarfod o Cymru'n Creu a oedd wedi mynd drwy ei gynllun gweithredu i weld pa mor llwyddiannus yr oeddent wedi cyrraedd ei hamcanion. Nododd mai ychydig o fewnbwn archifol a oedd yn y cynllun. |
| 7.2 | Grŵp ICT |
| Roedd y grŵp wedi ei ddiddymu a'i waith wedi ei gymryd drosodd gan Culturenet Cymru. |
| 7.3 | CWLIS |
| Nid oedd SE yn gallu mynychu'r cyfarfod. |
| 8 | Adroddiad yr Ysgrifennydd |
| 8.1 | Logo ACW |
| Dosbarthodd GJ rai syniadau am logo ar gyfer ACW er mwyn derbyn sylwadau'r aelodau. [Gweler 12.2] |
| 8.2 | Cyfarfod Yr Eglwys yng Nghymru yn Llanbedr Pont Steffan, 28 Mawrth 2003 |
| Adroddodd GJ fod cynnig i'w roi gerbron Mainc yr Esgobion am ganiatâd i'r Mormoniaid i ffilmio cofrestri plwyf. Gwnaethpwyd yr awgrym y dylai hwn fod yn brosiect Cymru gyfan gyda LlGC yn ei arwain. GJ i wahodd pobl i ffurfio grŵp i lunio cynllun ar sut y gellir cyflawni'r prosiect. |
| 8.3 | Casglu'r Tlysau |
| Roedd y prosiect wedi ei ymestyn o fis Mai i fis Medi 2003. |
| 9 | Adroddiad y Swyddog Datblygu |
| 9.1 | Cyfarfodydd |
| Adroddodd EJ iddi fynychu cyfarfodydd Cymdeithas Archifwyr Cymru, a chyfarfod Cadeiryddion Cyngor Archifau Rhanbarthol/Swyddogion Datblygu Rhanbarthol. |
| 9.2 | Pwyllgor Llywio Strategaeth Archifol i Gymru |
| Adroddd EJ fod CyMAL angen datganiadau safbwynt. Cytunwyd (i) fod ACW i gyflwyno dogfen ar ddatblygu strategaeth archifyddol ar gyfer Cymru cyn gynted ag roedd CyMAL wedi dod i fodolaeth (ii) fel cam cyntaf fod EJ i ymgynghori gyda phob sefydliad archifol i drafod y ddogfen ac y dylid dosbarthu drafftiau dan benawdau addas (iii) fod ME i ofyn i Cymd Arch am gyfraniad tuag at y £5000 a amcangyfrifir y bydd ei angen i gyhoeddi a dosbarthu'r ddogfen arfaethedig |
| 9.3 | Tasglu Archifol (TA) |
| Adroddodd EJ fod y TA i gynnal cyfarfod ymgynghorol yng Nghymru ar 19 Mai gyda sesiwn breifat yn y bore a sesiwn gyhoeddus yn y prynhawn. Cytunwyd (i) y dylid gwahodd pob archifydd hy^n yng Nghymru i'r sesiwn breifat a'u bod yn cael yr hawl i ddod â rheolwr hy^n gyda hwynt (ii) gofyn i Resource roi deunydd addas i'r archifwyr hy^n i'w gyflwyno i'r rheolwyr hŷn (iii) i gynnal y cyfarfod yng ngwesty Pencerrig (iv) y dylai'r trafodaethau ganolbwyntio ar faterion allweddol a oedd o bwys neilltuol i Gymru, yn arbennig ar y penawdau a glustnodwyd yn y Strategaeth Archifol i Gymru. Dylai aelodau anfon eu syniadau hefyd at EJ. |
| 9.4 | Mis Ymwybyddiaeth Archifau |
| Adroddodd EJ y bydd gwefan ar gael o'r 1af o Fai a bod £3000 wedi ei neilltuo ar gyfer Cymru i'w dalu mewn dau swm cyfartal ym misoedd Mai a Gorffennaf ac mai'r thema fyddai 'Cariad a Chasineb'. Cytunwyd (i) y dylid gwario peth o'r arian ar arddangos a chyhoeddi mentrau lleol ar gynhwysedd cymdeithasol ar ddiwrnod Gregynog (ii) i archwilio ymhellach y thema 'Cariad a Chasineb' (iii) mai 27 Medi fyddai Diwrnod Agored Cymru (iv) y dylid sefydlu pwyllgor llywio i gydlynu digwyddiadau |
| 10 | Y Cyfansoddiad |
| 10.1 | Awgrymodd GJ y posibilrwydd y gallai ACW gynnal trafodaethau gyda CWLIS a CMW i ffurfio corff traws-feysydd Cytunwyd (i) fod gan ACW ran archifol i'w chwarae (ii) y bydd angen yn y dyfodol i ACW gydweithio o fewn fforwm traws-feysydd a fyddai'n gallu ymgymryd â gwaith ar ran y tri maes a bod ME yn ysgrifennu llythyr yn mynegi y byddai ACW yn croesawu cydweithio mewn fforwm rhyng-feysydd (ii) i ohirio trafodaeth ar y cyfansoddiad gan gynnwys aelodaeth ACW |
| 11 | Gregynog |
| Cynhelir cyfarfod blynyddol Gregynog ym mis Gorffennaf yn hytrach nag ym mis Medi ar y thema Cynhwysedd Cymdeithasol. Bwriedir gwahodd Katie Norgrove, Swyddog Polisi a Datblygu NCA, a mentrau lleol ar Gynhwysedd Cymdeithasol i roi cyflwyniadau. Cynhelir y cyfarfod naill ai yng Ngregynog neu yng ngwesty Pencerrig. |
| 12 | Unrhyw Fater Arall |
| 12.1 | CWLIS |
| Siaradodd LT ar ei phapur ar CWLIS a oedd wedi ei ddosbarthu i'r aelodau ganddi cyn y cyfarfod ac ar botensial allweddol y rhan y gallai CWLIS ei chwarae yn y dyfodol. |
| 12.2 | Enw a logo ACW |
| Awgrymodd SD y dylai ACW newid ei enw oherwydd fod y mwyafrif o'r gweision sifil ac aelodau'r Cynulliad yn adnabod ACW fel Arts Council Wales. Cytunwyd y dylai aelodau feddwl am enw newydd i'w yrru at EJ ac i roi eu sylwadau ar logo ACW a gyflwynwyd gerbron yr aelodau |
| 12.3 | HMC/PRO |
| Fe fyddai'r HMC a'r PRO yn cael eu galw yn National Archives o 1 Ebrill. Fe fydd National Archives yn y dyfodol yn gyrru un cynrychiolydd i gyfarfodydd ACW. |
| 13 | Dyddiad y cyfarfod nesaf |
| Cynhelir y cyfarfod nesaf yn Siambr Cyngor Sir Ceredigion, Aberaeron, am 11 o'r gloch,ddydd Gwener, 27 Mehefin 2003. |
Yn ôl i'r
Tudalen Blaen