Presennol: K Matthias (Dinbych, Cadeirydd); S Edwards (Morg); A Lloyd Hughes (AGC); Norman James (HMC); G Jenkins (LlGC); H Malaws (Henebion); Alec Mulinder (PRO); David Rimmer (Gwent); Rowland Williams (CymdArch); J Watts-Williams (LlGC).

Ymddiheuriadau: A D Carr (PCBangor); Mary Ellis (HMC); David Leitch (PRO).

1	Cofnodion y cyfarfod diwethaf
	Cadarnhawyd cofnodion y cyfarfod diwethaf a gynhaliwyd ar 7 Mawrth 1997.

2	Materion yn codi o'r Cofnodion
2.1	Ad-drefnu Llywodraeth Leol
2.1.1	Caerfyrddin: PRO i holi'r awdurdod sut y mae'r cais am gymorth Cronfa Dreftadaeth y Loteri yn dod yn ei flaen.
2.1.2	Môn: PRO yn dal i ddisgwyl cynllun y cyngor sir ar gyfer adeilad newydd.
2.1.3	Caerdydd: dim rhagor i'w adrodd. Llongyfarchwyd SE ar ei phenodi yn archifydd sirol.

2.2	Prosiect Mapio HMC
	Roedd yr adroddiad wedi ei gyflwyno cyn yr etholiad cyffredinol a gobaith CAC oedd gweld y weinyddiaeth newydd yn gweithredu ar ei sail.

2.3	Swyddog Achosion Loteri
	Cafwyd gan AM y newyddion diweddaraf am y swydd hon.

2.4	Cymdeithas Llywodraeth Leol Cymru
	Doedd dim rhagor i'w adrodd.

2.5	Arolwg Robert Chell
	Roedd Robert Chell wedi egluro nad oedd ei arolwg ef yn debyg i un HMC. Nid oedd wedi cwblhau'r gwaith hyd yn hyn. Mynegwyd pryder ynglyn â'r cynnydd yn y nifer o holiaduron a anfonir at archifyddion.

2.6	Pwyllgor Rhyngadrannol ar gyfer Archifau
	Cafwyd adroddiad ar lafar gan AM. Un o'r materion y bu'r Pwyllgor yn ei drafod y tro diwethaf oedd Archifdy i Gymru.

2.7	Hysbysrwydd
	Nid oedd GJ wedi derbyn ateb i'w lythyr at ADC ac nid oedd gwelliant amlwg yng nghylchrediad newyddion CAC ymhlith archifyddion y Brifysgol.

3

Rhwydweithio

Roedd gwe-fan CAC wedi ei lansio yn gynt y diwrnod hwnnw. Diolchwyd i'r Llyfrgell Genedlaethol am ei holl lafur i'w sefydlu. Penderfynwyd gwneud cais i greu cyswllt â safle CAC o dudalennau Rhwydwaith Cymru ac awgrymu ei nodi yno o dan bennawd (1) Llywodraeth a (2) Y Celfyddydau a Diwylliant. Dywedodd JWW fod yr Astudiaeth Hyd a Lled yn mynd i ddechrau ar 1 Awst ac mai'r bwriad oedd ei orffen cyn diwedd Medi. Penderfynwyd trefnu cyfarfod o'r is-bwyllgor ym mis Hydref.

4	Consortiwm Gwasanaethau Llyfrgell a Gwybodaeth Cymru (CWLIS)
	Roedd KM wedi mynychu cyfarfod y Consortiwm [CWLIS] yn AAGaLl ar 19 Mawrth. Penderfynwyd tanysgrifio i'r Consortiwm er mwyn sicrhau cynrychiolaeth archifol ar ei bwyllgor gwaith. Enwebwyd KM i gynrychioli CAC.

5	Archifdy Gwladol Cymru
	Trafodwyd y ddogfen a baratowyd gan GJ a KM. Ar ddiwedd y drafodaeth y farn oedd mai datblygiad graddol wedi ei seilio ar reoli cofnodion y Cynulliad fyddai'n gweddu orau i sefydliad archifol newydd o'r math hwn. Penderfynwyd paratoi adroddiad i'w gyflwyno i'r Ysgrifennydd Gwladol ym mis Tachwedd.

6	Cyfarfod Gregynog
	Trafodwyd y trefniadau ar gyfer cyfarfod 13 Medi 1997. Dywedodd ALlH nad oedd Beth Thomas yn gallu dod. Cytunodd GJ a RW i chwilio eilydd.

7	Adroddiad Blynyddol
	Cyflwynodd GJ ddrafft o'r adroddiad blynyddol a gofynnodd i'r aelodau anfon newidiadau a chywiriadau ato. Bwriedir cynhyrchu'r adroddiad terfynol erbyn y cyfarfod nesaf.

8	Amcanion 1997-1998
	Cytunwyd ar bedwar o amcanion: rhwydweithio; cyfarfod Gregynog; Archifdy Cymru; monitro deddfwriaeth ar gyfer y Cynulliad. Penderfynwyd gadael i KM a GJ ddrafftio geiriad yr amcanion.

9	Tanysgrifiadau
	Cytunodd GJ i anfon infois at bob aelod.

10	Cynhadledd Flynyddol Cymdeithas yr Archifyddion 2001
	Roedd RW wedi crybwyll wrth swyddogion y Gymdeithas y posibilrwydd o gynnal y gynhadledd yn Aberystwyth yn 2001 ac roedd GJ wedi cytuno i gydlynu'r trefniadau.

11	Cyfarfod NCA
	Cafwyd adroddiad gan GJ am gyfarfod NCA ar 15 Ebrill 1997. Tynnodd sylw at ddau bwnc yn fwyaf arbennig: Polisi Archifau'r Deyrnas Unedig; a'r ffordd y rhedir NCA.

12	Cyfarfod nesaf
	Dydd Mercher, 12 Tachwedd 1997, 11.00 (Newidiwyd yn ddiweddarach i 19 Tachwedd 1997).

Yn ôl i'r Tudalen Blaen