Presennol: K Matthias (Dinbych, Cadeirydd); S Edwards (Morg); M Ellis (AAGaLl ar ran CLlH); A Lloyd Hughes (AGC); G Jenkins (LlGC); D Leitch (PRO); H Malaws (Henebion); L Tomos (AGaLl); R Williams (CymdArch); J Watts-Williams (LlGC).

Ymddiheuriadau: A D Carr (PCBangor); D Rimmer (Gwent).

1	Cofnodion y cyfarfod diwethaf
	Cadarnhawyd cofnodion y cyfarfod diwethaf a gynhaliwyd ar 2 Hydref 1998.

2	Materion yn codi o'r Cofnodion
2.1	Ad-drefnu Llywodraeth Leol
	Nodwyd mai’r Cynulliad fyddai’n gyfrifol o hyn ymlaen am faterion fel cynlluniau Adran 60 yr awdurdodau lleol.

2.2	Arolwg Robert Chell
	Nodwyd bod Panel Deddfwriaeth Cymdeithas yr Archifyddion wedi trafod yr Adroddiad.

2.3	Adran Diwylliant, Cyfryngau a Chwaraeon (DCMS)
	Tynnodd DL sylw at y datblygiadau diweddaraf o ran cynrychiolaeth archifol ar y corff newydd sydd i arolygu llyfrgelloedd, amgueddfeydd, ac archifdai.

3	Prosiect Mapio
	Trafodwyd y canlyniadau dros dro. Adroddwyd bod pob un o’r gwasanaethau wedi ymateb i’r holiadur. Penderfynwyd cwblhau’r adroddiad a chynhyrchu CD-ROM y gellid ei ddefnyddio ar achlysur lansio’r adroddiad yng ngwydd aelodau’r Cynulliad i hybu achos gwasanaethau archifau Cymru am fwy o gefnogaeth ariannol. Penderfynwyd cynhyrchu taflen liwgar hefyd os gellid dod o hyd i’r nawdd pwrpasol.

4	Rhwydwaith Archifau Cymru
	Trafodwyd yr adroddiad drafftiedig yng ngoleuni cyfarfod KM, GJ, a JWW â Stephen Green, Cathrin Cassarchis, a Harriet Atkinson yn swyddfeydd CDL yn Llundain ddeuddydd ynghynt. Penderfynwyd bwrw ymlaen â’r cynllun trwy wneud y canlynol: (i) datrys problem y corff arweiniol; a (ii) cwblhau’r cynllun busnes. Penderfynwyd trefnu i’r is-bwyllgor rhwydweithio gyfarfod yn Archifdy Morgannwg ar 23 Chwefror 1999 am 11 y bore.
	Soniodd ME am y cynllun a noddir gan JISC i ddatblygu thesawrws enwau testunol a phenderfynwyd gofyn iddi ymgynghori â Mared Owen (LlGC) ynglyn â chynrychioli Cymru ar y pwyllgor datblygu.

5	Consortiwm Gwasanaethau Llyfrgell a Gwybodaeth Cymru (CWLIS)
	Cafwyd adroddiad gan y Cadeirydd am gyfarfod diwethaf CWLIS. Nodwyd nad oedd CAC wedi derbyn ateb i’w gwyn am ddiffyg ymgynghori ag archifyddion wrth wneud arolwg hyfforddiant CWLIS.

6	Cyfarfod Archifyddion Cymru 1998
	Eglurodd GJ fod y cyfarfod wedi ei ddileu oherwydd diffyg diddordeb.

7	Cyfarfod Archifyddion Cymru 1999
	Gofynnwyd i GJ a RW drefnu cyfarfod 1999 ar batrwm cyfres cyfarfodydd Gregynog.

8	Adroddiad Blynyddol, Tanysgrifiadau, Aelodaeth, a Nodau
	Nodwyd bod yr adroddiad blynyddol wedi ei gyhoeddi; a bod yr holl danysgrifiadau wedi dod i law.

9	Pwyllgor Cymreig Cronfa Dreftadaeth y Loteri
	Darllenwyd ymateb CDL i gwyn CAC nad oedd un archifydd yn aelod o’r pwyllgor.

10	LISC, y Cynulliad, a Llais Archifau Cymru
	Ym mhresenoldeb Lionel Madden, cadeirydd LISC, a Jane Edmunds, swyddog yng nghangen Diwylliant a Hamdden y Swyddfa Gymreig, cafwyd trafodaeth ynghylch y posibilrwydd o addasu LISC i gynrychioli archifau yn ogystal â llyfrgelloedd mewn perthynas â’r Cynulliad a’r Comisiwn newydd (MLAC).

12	Cyfarfod nesaf
	Dydd Gwener, 16 Ebrill 1999, 13.00 [canslwyd yn ddiweddarach].

Yn ôl i'r Tudalen Blaen