Presennol: K Matthias (Dinbych, Cadeirydd); S Beckley (GMorg, yn lle S Edwards (Morg)); E Bennett (PCAbertawe, yn lle A D Carr (PCBangor)); A Lloyd Hughes (AGC); G Jenkins (LlGC); C Kitching (CLlH); D Leitch (PRO); D Rimmer (Gwent); L Tomos (AGaLl); R Williams (CymdArch); J Watts-Williams (LlGC).

Ymddiheuriadau: H Malaws (Henebion).

1	Cofnodion y cyfarfod diwethaf
	Cadarnhawyd cofnodion y cyfarfod diwethaf a gynhaliwyd ar 5 Chwefror 1999. Nodwyd i'r Cyngor ohirio'r cyfarfod y bwriadasid ei gynnal ar 16 Ebrill 1999.

2	Materion yn codi o'r Cofnodion
2.1	Rhwydwaith Archifau Cymru
	Nodwyd bod y cais wedi'i anfon at GDL a bod GDL wedi cydnabod ei dderbyn. Disgwylid i'r Adroddiad Mapio gael ei gyflwyno fel atodiad i'r cais tua diwedd yr haf. Cytunwyd i atgoffa'r partneriaid o'r angen am ddeunydd ychwanegol i'w gynnwys yn y fersiwn o'r CD-ROM y bwriedir ei ddefnyddio i hybu'r prosiect.

2.2	Cyfarfod Archifyddion Cymru 1999
	Cymeradwywyd trefniadau'r cyfarfod a oedd i'w gynnal yng Ngregynog ar 25 Medi.

3	Prosiect Mapio
	Cyflwynodd DL ei adroddiad cynnydd i'r cyfarfod. CAC fyddai'n penderfynu pa mor eang y dylid dosbarthu'r adroddiad terfynol. Wedi trafod amryw fanylion, amlinellwyd yr amserlen ar gyfer cynhyrchu'r adroddiad terfynol.

4	Consortiwm Gwasanaethau Llyfrgell a Gwybodaeth Cymru (CWLIS)
4.1	Cafwyd adroddiad am ddau gyfarfod diweddaraf CWLIS. Soniwyd am ddiffyg strategaeth Gymreig o ran y Grid Dysg Cenedlaethol a bod cyfle gwirioneddol i archifau lenwi'r bwlch hwnnw. Yn y siroedd lle y mae'r gwasanaeth archifau yn perthyn i'r un adran lywodraeth leol â'r llyfrgelloedd, y mae'n debygol y bydd yr archifyddion yn ogystal â'r llyfrgellwyr yn elwa o'r cynllun hyfforddi arbennig.
4.2	Byddai sôn am archifau yng nghyflwyniad CWLIS i aelodau'r Cynulliad a chadeiryddion y Pwyllgorau Pwnc.
4.3	Bu CWLIS yn trafod hefyd sut y gallai fod â rhan flaenllaw yng ngweithrediad `Gweddnewid Cymru', y portffolio o gynlluniau busnes a baratowyd gan WIS. Penderfynwyd tynnu sylw at awydd CAC i fod yn rhan o ddatblygiad y prosiect digideiddio, `Amgueddfa Rithwir Cymru', a chytunwyd y dylai GJ drafod y mater gyda Rhidian Griffiths (LlGC), sydd yn gyfrifol am baratoi ymateb CWLIS i bortffolio WIS.

5

Comisiwn Archifau, Llyfrgelloedd, ac Amgueddfeydd (MLAC)

Roedd GJ wedi derbyn llythyr ac adroddiad swmpus gan Jane Edmonds (Y Swyddfa Gymreig) ynglŷn â MLAC. Mynegwyd pryder ynghylch ansicrwydd y sefyllfa. Nodwyd bod cyfres o seminarau wedi ei threfnu yn Lloegr i drafod strwythur y cynghorau archifau rhanbarthol. Ni wyddai neb pryd y byddai'r Cynulliad yn ystyried y mater hwn o du Cymru. Penderfynwyd hysbysu Jane Edmonds o bryderon y Cyngor a'i ddymuniad i fod yn rhan o unrhyw ymgynghoriad a drefnir yn enw'r Cynulliad.

6	Ad-drefnu Llywodraeth Leol
	Mynegwyd pryder bod ymgais Conwy i drosglwyddo archifau o Wynedd yn tramgwyddo Adran 60 y ddeddf. Cytunwyd bod angen atgoffa'r Cynulliad o'i gyfrifoldeb i fynnu cynllun Adran 60 newydd gan awdurdod lleol sy'n peri i'r amgylchiadau newid. Penderfynwyd hysbysu Jane Edmonds o farn y Cyngor.

7	NCA
	Cafwyd adroddiad am gyfarfod diweddaraf y Cyngor Cenedlaethol ar Archifau. Roedd NCA yn adolygu ei strwythur a'i swyddogaeth a phenderfynwyd datgan trwy lythyr farn y Cyngor amdano.

8	Nodau 1999-2000 a threfniadaeth y dyfodol
8.1	Cytunwyd ar y nodau canlynol ar gyfer y flwyddyn 1999-2000:
8.1.1	Bwrw ymlaen â chynlluniau'r Cyngor i ddatblygu RhAC ar yr amod y ceir cefnogaeth CDL
8.1.2	Cyfrannu at astudiaeth strategol arfaethedig y Cynulliad Cenedlaethol ar y sector Celfyddydau a Diwylliant
8.1.3	Trefnu cyfarfod archifyddion Cymru yng Ngregynog ar y cyd â Chymdeithas yr Archifyddion
8.1.4	Paratoi adroddiad terfynol am y Prosiect Mapio
8.1.5	Dod yn rhan o brosiectau a mentrau perthnasol gan gynnwys y prosiectau a'r mentrau a drefnir gan Gymdeithas Wybodaeth Cymru mewn cysylltiad â Chronfa'r Cyfleon Newydd
8.2	Trafodwyd llythyr Gordon Reid (Powys) ynghylch cynrychiolaeth y Cyngor a phenderfynwyd trefnu cyfarfod arbennig yn Llandrindod i'w drafod yn helaethach.

9	Cyfarfod NOF
	Nodwyd mai Gordon Reid fyddai'n cynrychioli CAC yng nghyfarfod Cronfa'r Cyfleon Newydd (New Opportunities Fund) yng Nghaerdydd ar 29 Gorffennaf.

10	Dysg Gydol Oes
	Soniwyd am gyfarfod rhag-ymgynghorol â NOF ynghylch arian Dysg Gydol Oes a oedd i'w clustnodi i Gymru.

11	Cyfarfod nesaf
	Dydd Gwener, 12 Tachwedd 1999.

Back to the Front Page