Mae Llyfrgell Genedlaethol Cymru yn cynnig cryn dipyn o ffynonellau ac adnoddau ar gyfer rheiny sy'n ymchwilio i hanes teulu. Gellir cael mynediad i'r rhan fwyaf o'r deunydd yn Ystafell Ddarllen y De.

Bwriad yr adran hon yw rhoi bras-olwg ar rai o'n casgliadau mwyaf poblogaidd ac nid yw yn rhestr gynhwysfawr o holl adnoddau'r Llyfrgell. Arweiniad 'Cam wrth Gam' ar 'Sut i fynd ati i hel achau' yw.

Os nad ydych yn medru ymweld â'r Llyfrgell eich hun efallai byddwch yn dymuno defnyddio ein gwasanaeth ymholiadau neu ar gyfer ymchwiliadau hir a chymhleth defnyddio gwasanaeth un o'r Ymchwilwyr Annibynnol.

Ar gyfer rheiny sydd yn medru ymweld â ni ag am wneud yn fawr o'u hamser a'r adnoddau dylid ystyried cofrestru ar gyfer un o'r Sesiynau Gwybodaeth.

Mae'r Llyfrgell yn tanysgrifio i adnoddau ar-lein hanes teulu Findmypast ag Ancestry, maent ar gael yn ystafelloedd darllen o fewn y Llyfrgell yn unig.