Papurau Newydd y 19eg ganrif o’r Llyfrgell Brydeinig ar gael arlein

Llu, 04 Mai 09 17:13:00

 

Mae’r Llyfrgell Genedlaethol yn falch o gyhoeddi ychwanegiad pwysig at yr adnoddau sydd i’w canfod drwy ei datrusiad chwilio newydd Adnoddau Allanol.

 

Mae 19^th Century British Library Newspapers yn datgloi ffynhonellau cudd ar gyfer astudio'r 19eg ganrif a’r oes Fictorianaidd, drwy bapurau newydd cenedlaethol, rhanbarthol a lleol y cyfnod. Detholwyd a digidwyd rhediadau cyfan o bapurau newydd a gyhoeddwyd ym Mhrydain rhwng 1800 a 1900 ac mae’r adnodd yn cynnwys dros 1,000,000 o dudalennau.

 

Mae’r ffynhonell wedi ei phrynu drwy danysgrifiad gan y Llyfrgell ac mae ar gael i unrhyw ddefnyddiwr oddi fewn yr adeilad neu thu hwnt drwy gyfrif Athens.

 

 

Swyddfa'r Wasg

Medi Jones-Jackson

01970 632 534

medi.jones-jackson@llgc.org.uk