Wythnos Fasnach Deg - Cyflwyniad ar 22 Chwefror

Iau, 18 Chw 10 14:50:00

Bydd y Llyfrgell Genedlaethol yn dathlu pythefnos masnach deg rhwng 22 Chwefror a 5 Mawrth 2010, trwy werthu cynnyrch bwyd a chrefft i greu byd tecach a chyflwyniad ar ddydd Llun 22 Chwefror.

 

Cychwynnir y pythefnos gyda chyflwyniad am waith Masnach Deg a sut mae’n elwa pobloedd ar draws y byd am 13:15 ddydd Llun 22 Chwefror.

 

Bydd cyflwyniad am fasnach deg gan gwmni Cadwyn o Sir Gaerfyrddin a dangosiad o ffilm rhaglen Hacio ar S4C am y Niger yn Affrica. Ceir hefyd nwyddau ar werth yn y siop a bwydydd ar gael yng nghaffi Pen Dinas.

 

‘Mae’r Llyfrgell Genedlaethol yn stocio cynnyrch Masnach Deg trwy gydol y flwyddyn gan gynnwys siocled a choffi. Serch hynny, rydym yn falch iawn i gymeryd rhan yn nigwyddiadau Pythefnos Masnach Deg 2010,’ meddai Shân Price ar ran y Llyfrgell.

 

Dolenni

• Pythefnos Masnach Deg

 

Gwybodaeth bellach

Cyril Evans, Swyddfa’r Wasg LlGC: 01970 632 565  post@llgc.org.uk