Etholiad Cymru - Galw Pobl Llanelli ac Islwyn

Mae’n adeg etholiadol yng Nghymru gydag etholiad ar gyfer Cynulliad Cenedlaethol ar 5 Mai. Eleni, fel pob cyfnod etholiadol arall, bydd yr Archif Wleidyddol Gymreig, sy’n rhan o’r Llyfrgell Genedlaethol, yn mynd ati i gasglu set gyflawn o'r taflenni a'r effemera a gylchredir.  Serch hynny, mae’r Archif angen eich help.

Esboniad John Graham Jones, Pennaeth yr Archif,

‘Mae gennym rwydwaith eang o gysylltwyr ledled Cymru, ond mae bylchau wedi amlygu eu hunain o fewn yr etholaethau Islwyn a Llanelli. Tybed a oes pobl yn y rhanbarthau hynny a fyddai'n barod i gasglu ac yna danfon atom y deunydd hynny a ddaw drwy eu drysau yn ystod yr ymgyrch?’ 

Os wyddoch chi am rywrai gallai helpu, mae croeso i chi gysylltu â John Graham ar y cyfeiriad isod. Telir costau postio gan y Llyfrgell.

Sefydlwyd yr Archif Wleidyddol Gymreig yn 1983. Mae’n casglu llenyddiaeth gan holl bleidiau gwleidyddol Cymru a grwpiau ymgyrchu yn ogystal â gohebiaeth gan rai o’r ffigyrau gwleidyddol mwyaf o David Lloyd George ymlaen.

Dolenni:

Yr Archif Wleidyddol Gymreig 

Gwefan Ymgyrchu! – ymgyrchoedd gwleidyddol Cymru yn yr ugeinfed ganrif



Manylion Cyswllt:

John Graham Jones, Pennaeth AWG:
01970 632866  graham.jones@llgc.org.uk 

Elin-Hâf Willians, Swyddfa’r Wasg LlGC: 
01970 632534   post@llgc.org.uk