Clive Hicks- Jenkins – Ôl Syllol

Bydd arddangosfa fawr o waith yr artist Clive-Hicks Jenkins yn agor yn Llyfrgell Genedlaethol Cymru yn Aberystwyth ar Ddydd Sadwrn 7 Mai 2011. Bydd yr arddangosfa o 200 o beintiadau yn llenwi gwagle mawreddog 50m x 10m Oriel Gregynog, yn ogystal â’r oriel gyfagos fel terynged i un o artistiaid enwocaf Cymru, artist sydd â dilynwyr byd-eang.

Bu i’r adolygydd Nicholas Usherwood ddisgrifio'r peintiad o Clive Hicks-Jenkins fel rhai ‘adlewyrchol, llawn mynegiant o’r radd flaenaf’. Mae’r arddangosfa hon yn rhoi gwaith a themâu Clive Hicks-Jenkins yn amlwg i bawb eu gweld; ei ddiddordeb mewn creu ensemblau o wrthrychau cyfarwydd; y dilyniant o luniau anferth wedi cael eu hysbrydoli gan draddodiad gwerin y Fari Lwyd; y dilyniant o ddarnau pwysig wedi ei chreu mewn ymateb i ddarnau o allor yn Christ Church Picture Gallery a pheintiadau sy’n archwilio straeon o’r gwyrthiol.

O gefndir fel coreograffydd a chyfarwyddwr theatr, mae Hicks-Jenkins yn artist poblogaidd iawn ac yn creu dilyniant o ddarnau archwiliadol sy’n cofleidio ystod eang o bynciau drwy weledigaeth gyson a nodedig.
Mae ei waith yn cael ei gydnabod am ei emosiwn a’i ddynoliaeth ac yn derbyn ymateb gan gyd-artistiaid, beirdd ac awduron ym Mhrydain a’r UDA.

Mae’r arddangosfa yn cyd-fynd â chyhoeddi llyfr i ddathlu ei ben-blwydd yn 60 oed. Y llyfr hwn yw’r cyntaf i roi gorolwg o holl waith Clive Hicks–Jenkins. 
Mae’r testunau amrywiol, wedi eu hysgrifennu gan feirdd, nofelwyr a haneswyr celf wedi eu lleoli ym Mhrydain ac UDA yn cyfeirio at themâu amlwg o fewn gweithiau amrywiol Hicks-Jenkins.

Meddai’r actor Simon Callow am lyfr a gwaith Clive:

‘Mae’r erthyglau hynod yn y gyfrol hon yn esbonio Clive fel person a Clive fel artist; maen’t yn siarad am ei daith drwy fywyd a thrwy gelf, am ei ddylanwadau, am ei grefft sy’n tyfu bob dydd ac am ei ffynhonnau o weledigaeth. Maen’t yn archwilio ei fywyd mewnol. Mae’n stori afaelgar sy’n cychwyn ar roi cyfiawnder i un o artistiaid mwyaf unigryw ein dydd.’

Croesawa Andrew Green, Llyfrgellydd y Llyfrgell Genedlaethol yr arddangosfa’n gynnes iawn:

‘Clive Hicks-Jenkins yw un o arlunwyr gorau Cymru heddiw o ddelweddau. Mae’r arddangosfa hon, un o’r rhai mwyaf a gynhaliwyd erioed gan y Llyfrgell Genedlaethol o gelf gyfoes, yn gyfle unigryw i weld yn y cnawd hyd a lled ei orchest. Mae lluniau Clive yn llawn ynni a chymhlethdod fydd yn gadael argraff ar unrhyw un fydd yn dod i Aberystwyth i’w gweld’

Nodiadau’r Golygydd:

Cyhoeddir dau lyfr i gyd-fynd â’r arddangosfa:
Clive Hicks-Jenkins (Lund Humphreys, 2011)
gan Simon Callow, Andrew Green, Rex Harley, Kathe Koja, Anita Mills, Montserrat Prat, Jacqueline Thalmann, Damian Walford Davies a Marly Youmans

The Book of Ystwyth: Six Poets on the Art of Clive Hicks-Jenkins (Carolina Wren Press, 2011)
gan Dave Bonta, Callum James, Andrew Selch, Catriona Urquhart, Damian Walford Davies a Marly Youmans

Wakelin Award
Cynhelir Gwobr Wakelin, gwobr gelfyddydol flynyddol fel rhan o’r lansiad ar 7 Mai 2011.

Sgwrs Oriel
Sgwrs Oriel ar Clive Hicks-Jenkins, dydd Llun 25 Gorffennaf am 1:15 p.m. 
Mynediad am ddim trwy docyn, archebwch eich lle ar-lein neu dros y ffôn: 01970 632548


Clive Hicks-Jenkins: Ôl-syllol
7 Mai – 20 Awst 2011
Llyfrgell Genedlaethol Cymru 
Aberystwyth

Mynediad am ddim 

Am wybodaeth bellach a delweddau:
Siôn Jobbins, Swyddfa’r Wasg LlGC: 01970 632902 post@llgc.org.uk