Statws Aur i’r Llyfrgell Genedlaethol

Yn ddiweddar, dyfarnwyd statws aur Buddsoddwyr mewn Pobl i Llyfrgell Genedlaethol Cymru, Aberystwyth.

Mae Buddsoddwyr mewn Pobl yn fframwaith a gydnabyddir yn genedlaethol sy’n dangos i bobl eu bod yn gweithio i sefydliad sy’n ceisio gwella perfformiad a chyflawni amcanion cyffredin drwy annog a datblygu eu pobl yn effeithiol.

Meddai Syr Deian Hopkin, Llywydd Llyfrgell Genedlaethol Cymru:

‘Rydym ni fel Bwrdd Ymddiriedolwyr Llyfrgell Genedlaethol Cymru yn hynod falch fod gwaith ymroddedig staff y sefydliad wedi'i gydnabod trwy ennill Safon Aur asesiad Buddsoddwyr mewn Pobl yn  ddiweddar. Fel sefydliad, rydym yn hybu cyfleoedd i annog a datblygu ein staff fel bod hyn yn ei dro'n ein galluogi i allu cynnig gwasanaeth o'r radd flaenaf i'n defnyddwyr’

Yn ôl  Buddsoddwyr mewn Pobl:

‘Drwy gyflawni statws Buddsoddwyr mewn Pobl, mae eich sefydliad ar flaen y gad o ran arferion da. Mae’n dangos yn glir i bawb eich bod yn ymrwymedig i welliant parhaus drwy eich prif adnodd: eich pobl’

Ychwanegodd Siân Jones, Rheolwr Adnoddau Dynol:

‘Rydym yn falch iawn o gyrraedd y Safon Aur Buddsoddwyr Mewn Pobl ac mae’n  adlewyrchiad o'r gwaith ardderchog gaiff ei gwblhau gan reolwyr a staff y Llyfrgell, er mwyn sicrhau  ein bod ateb ac yn rhagori yn ateb anghenion ein defnyddwyr.'

Gwybodaeth Bellach:
Elin – Hâf, Swyddfa’r Wasg 01970 632534 neu post@llgc.org.uk

Dolenni Defnyddiol:
Buddsoddwyr mewn pobl
@IIPtweets