Cynhadledd Gwisg Draddodiadol Cymru

Fri, 22 Aug 08 16:46:00

 

Cynhelir cynhadledd undydd arbennig ar bwnc Gwisg Draddodiadol Cymru yn Llyfrgell Genedlaethol Cymru, Aberystwyth ar ddydd Sadwrn 20 Medi.

 

Bydd pedwar o brif arbenigwyr Cymru ar y wisg ac ar decstiliau Cymreig yn rhannu eu barn. Pris mynediad yw £20 (£14 i fyfyrwyr) sy'n cynnwys cinio yn y Llyfrgell.

 

Rhaglen y gynhadledd

 

 

Siaradwyr y gynhadledd

Jen Jones: Cwiltiau Cymreig: Y tu mewn a’r tu allan

Rhoddwyd cychwyn ar obsesiwn Jen â chwiltiau gan y rhai yng nghartref ei theulu ym Massachusetts ond dim ond pan gyrhaeddodd hi Gymru yn 1971 y daeth yr obsesiwn i’w lawn dŵf. Mae hi wedi ysgrifennu dau lyfr; Welsh Quilts - A Towy Guide a Les Quilts Gallois / Welsh Quilts. Mae hi’n darlithio’n eang yn y wlad hon ac yn yr Unol Daleithiau ac mae hi wedi trafod cwiltiau Cymreig yn aml ar y teledu a’r radio.

 

 

Dorothy Osler: Y deunyddiau cymysgedd sidan mewn gwisgoedd Cymreig o Ogledd Cymru

Caiff ei chydnabod yn rhyngwladol fel yr arbenigwraig mwyaf blaenllaw ar draddodiadau cwiltio hanesyddol Prydain ac mae hi wedi cyhoeddi llyfrau a phapurau academaidd yn y maes tecstilau hwn, gan geisio cynyddu ymwybyddiaeth o draddodiadau cynhenid cwiltio gan gynnwys rhai Cymreig. Yn 2004 dyfarnwyd Ysgoloriaeth Ymchwil Wingate iddi i ymchwilio i’r cysylltiad croes ddiwylliannol posibl rhwng cwiltiau Cymreig y 19eg ganrif a chwiltiau a wnaed gan gymunedau Amish yn Unol Daleithiau America.

 

 

Michael Freeman: Y dystiolaeth ysgrifenedig a gweledol dros y wisg Gymreig, 1770 – 1870

Dechreuodd ei ddiddordeb mewn gwisgoedd Cymreig yn 2004 pan dechreuodd ddarllen dyddiaduron pobl oedd wedi ymweld â Chymru yn y 18fed ar 19eg ganrif fel rhan o brosiect arall. Dilynodd hyn drwy grynhoi casgliad o ddelweddau o wisgoedd Cymreig, a gwneud astudiaeth fanwl o hetiau a begynau Cymreig.

 

 

Huw Roberts: Ail-greu gwisgoedd Cymreig ar gyfer Dawnsio Gwerin

Brodor o Langefni, Ynys Môn yw Huw Roberts ac mae’n ffigwr adnabyddus ym meysydd cerddoriaeth a dawnsio gwerin yng Nghymru. Mae ef a’i wraig, Bethan wedi ffurfio’r partïon dawnsio gwerin Cymreig, Ffidl Ffadl a Dawnswyr Bro Cefni. Yn ddiweddar cyhoeddodd Pais a Becon - Gwn stwff a Het Silk - llyfr dwyieithog ar wisg Gymreig Draddodiadol Sir Fôn yn y 19eg ganrif.

 

 

Am wybodaeth bellach:

 

Delyth Morgan: 01970 632 800 delyth.morgan@llgc.org.uk