Prynu portread o Ryan Giggs O.B.E.

Wed, 10 Dec 08 12:23:00

 

Ar 10 Rhagfyr 2008 derbyniodd Llyfrgell Genedlaethol Cymru bortread olew o Ryan Giggs a brynwyd wrth yr arlunydd, Peter Edwards.

 

Mae Ryan Giggs yn un o bêl-droedwyr disgleiriaf ei ddydd, ac yn sicr y Cymro enwocaf a mwyaf talentog i wisgo’r crys coch ers John Charles. Mae wedi ennill ugeiniau o fedalau dros gyfnod hir yn rhengoedd Manchester United, a bu hefyd yn gapten tîm pêl-droed Cymru, gan ennill 64 o gapiau dros ei wlad.

 

Peintiwyd y portread yn 2007 ac mae’n dangos Giggs y dyn yn hytrach na’r chwaraewr ar y maes. Dyma bortread o berson penderfynol sy’n berchen ar garisma arbennig.

 

Mae Peter Edwards yn enwog am ei bortreadau o ffigyrau iconig fel Seamus Heaney, Sir Bobby Charlton (Casgliad National Portrait Gallery) a Sir Kyffin Williams (MoMa Cymru, Machynlleth). 

 

Gwefan Peter Edwards