Diwrnod Agored Llyfrgell Genedlaethol Cymru 2011

Tue, 18 Jan 11 14:30:00

Archebwch eich tocynnau arlein ar gyfer digwyddiadau diwrnod agored y Llyfrgell, 29 Ionawr 2011

 

Eleni eto fe fydd y Llyfrgell Genedlaethol yn agor ei drysau led y pen i wahodd pawb i ymuno yn ein Diwrnod Agored blynyddol ar ddydd Sadwrn 29 Ionawr. Mae’r diwrnod, sydd yn cynnwys darlithoedd, cyflwyniadau, teithiau tywys a sgyrsiau oriel, wedi profi’n hynod o lwyddiannus yn y gorffennol - ac ni fydd eleni’n eithriad.

Cynhelir nifer o weithgareddau trwy gydol y diwrnod a fydd yn sicr yn apelio at oedolion ac ymwelwyr ifanc. Ymysg y digwyddiadau ceir nifer o deithiau tywys o adrannau’r Llyfrgell. Bydd y teithiau tywys yn ymweld ag Uned Gadwraeth Ataliol, sydd yn sicrhau fod casgliadau’r Llyfrgell yn cael eu diogelu i safonau uchel, Uned Ddigido’r Llyfrgell ynghyd â chyfle i weld cyfarpar ailgylchu’r Llyfrgell.

Bydd hefyd nifer o ddarlithoedd a chyflwyniadau gan gynnwys:

• Adnoddau Hanes Teulu yn y Llyfrgell Genedlaethol dan ofal Beryl Evans

• Gweithdy Celf dan ofal Gwasanaeth Addysg y Llyfrgell

•  ‘Kyffin  - the Legacy’ Cyfwyniad am gasgliad Syr Kyffin Williams yn y Llyfrgell

•  ‘Writing about the Real Wales’ Niall Griffiths a Peter Finch.
  Dau awdur teithio amlwg o Gymru yn mynegi eu barn am y Gymru gyfoes

• Dadorchuddio portread David Griffiths o Rhodri Morgan, cyn-Brif Weinidog Cymru

• Amser Stori addas i blant dan 9 oed 

• Sgwrs Oriel Byd Bach teithio yng Nghymru a Thu Hwnt. Carys Mai, curadur yr arddangosfa bwysig hon yn eich tywys ar daith lawn rhyfeddodau

• Digwyddiad Cyfeillion y Llyfrgell 'Ledi Amy: gwerthfawrogiad o fywyd a gwaith Amy Parry Williams, 1910 - 1988. Dr Rhidian Griffiths.

Ceir nifer o ddigwyddiadau pellach yn ystod y diwrnod gan gynnwys Keith Rees, Amgueddfa Wlân Cymru yn dangos y grefft o nyddu gwlân; Adrian Keenan Cynorthwydd Lleihau Gwastraff y Cyngor Sir yn egluro ffyrdd o leihau gwastraff yn ein cartrefi; ynghyd â chyfle i ddysgu mwy am ddulliau cynaliadwy gyda’r Ganolfan Dechnoleg Amgen.

Mae pob un o’r digwyddiadau’n rhad ac am ddim. Gallwch archebu eich tocynnau arlein: www.llgc.org.uk/drwm neu dros y ffôn 01970 632 548

Edrychwn ymlaen at eich croesawu! 

Manylion pellach:
Cyril Evans
cyril.evans@llgc.org.uk
01970 632 565

Swyddfa'r Wasg
Elin Hâf
elin.williams@llgc.org.uk 
01970 632 534