Lansio gwasanaeth Sgwrs Sydyn.

Dydd Llun, 4 Gorffennaf 2011 bydd Llyfrgell Genedlaethol Cymru, Aberystwyth yn lansio gwasanaeth newydd ar ei gwefan sef Sgwrs Sydyn. Mae'n wasanaeth newydd fydd yn ateb ymholiadau syml ac yn ddefnyddiol iawn i bobl sydd eisiau ateb sydyn. 

Mae Sgwrs Sydyn yn ychwanegiad i'r gwasanaeth ymholiadau traddodiadol sydd eisoes yn cael ei gynnig gan y Llyfrgell a'i gweinyddu trwy ein system QuestionPoint. Bydd modd i ymholwyr gysylltu'n uniongyrchol gyda’r tîm ymholiadau o wefan y Llyfrgell ac o dudalennau Facebook y Llyfrgell. 

Meddai Nia Wyn Dafydd, Rheolwr Gwasanaeth Ymholiadau:

’Mae Sgwrs Sydyn yn wasanaeth newydd, cyffrous a fydd yn ehangu ar y gwasanaeth ymholiadau sydd eisoes yn cael ei gynnig. Mi fydd yn gam arall tuag at wneud y gwasanaeth yn fwy cyraeddadwy i'n defnyddwyr.’

Ydych chi ar dân i ofyn cwestiwn? Manteisiwch ar ein gwasanaeth newydd i gael yr ateb.

Dolenni Defnyddiol:

Sgwrs Sydyn

Gwybodaeth bellach:

Elin Hâf, Swyddfa’r Wasg LlGC 01970 632534 neu post@llgc.org.uk