HAMDDENA

Rygbi, eisteddfota, ffilmiau, chwarae gwyddbwyll … sut fyddwch chi’n hamddena? A sut mae amser hamdden y Cymry wedi newid dros y degawdau os nad canrifoedd? Dyna bwnc arddangosfa fawr newydd Llyfrgell Genedlaethol Cymru sy’n cael ei hagor yn swyddogol gan y delynores fyd-enwog, Catrin Finch ar nos Fercher 12 Hydref 2011.

‘Mae hamdden yn bwerus oherwydd mae ei gweithgareddau a’i gweithgarwch ym mhob man, yn cyffwrdd â bywyd pob bod dynol. Mae’n rhoi cip olwg i ni ar gymdeithas a sut mae cymdeithas yn newid,’ medd Carys-Mai Lloyd, curadur yr arddangosfa. 

Ymysg y wledd o gasgliadau yn arddangosfa Hamddena mae:

● Casgliad o ffilmiau a hysbyesbion cynnar fyddai'n cael eu dangos mewn sinemau yn ystod hanner cyntaf yr 20fed ganrif

● Ffilmiau mud William Haggar  

● QR codes fydd yn galluogi pobl i ddarganfod mwy o wybodaeth am rai o eitmau'r arddnagosfa drwy eu ffon symudol. 

● Eitemau o archif Y Blew - grwp pop cyntaf yn yr iaith Gymraeg 

● Eitemau o gymdeithasau mwyaf amlwg Cymru - Urdd Gobaith Cymru, Merched y Wawr, Sioe Frenhinol Amaethyddol 

● Ystafell gemau - cyfle i chwarae Gwyddbwyll (ar raddfa fawr), gem OXO, Pedwar mewn Rhes, Solitaire a Dominos

● Darlun eiconig o gasgliad Gogerddan - 'The Gogerddan Hunt' 

● Cyfeiriadau at wyddbwyll yn Breuddwyd Macsen Wledig yn Llyfr Gwyn Rhydderch - un o lawysgrifau enwocaf a phwysicaf y Llyfrgell 

● Detholiad o ffotograffau trawiadol gan y ffotograffydd David Hurn o’r 1970au

● Ffotograffau Chuck Rapoport o gymuned Aberfan yn ymlacio wedi’r drychineb

Ac os fyddwch angen hamddena wrth droedo o gwmpas yr arddangosfa bydd cadeiriau dec i’w cael yn yr Oriel i chi orffwys! 

I fwynhau decholiad o’r delweddau o’r arddangosfa, ewch i dudalen Hamddena. www.llgc.org.uk/index.php;

Cofiwch ddilyn y Llyfrgell ar Twitter @LlGCymru neu Facebook a gallwch ymunwch â'n rhestr bostio yn rhad ac am ddim i dderbyn gwybodaeth am ein rhaglen arddangosfeydd. Ebostiwch post@llgc.org.uk neu cofrestrwch ar-lein i dderbyn ein egylchlythyr rhad ac am ddim. 

Hamddena – Agoriad Swyddogol gyda Catrin Finch
6.30pm nos Fercher 2011
Llyfrgell Genedlaethol Cymru
Aberystwyth

Am fanylion neu ddelweddau pellach:

Sian Henson, Swyddfa’r Wasg LlGC: 01970 632545 post@llgc.org.uk