Diwrnod Agored – 26 Ionawr

Wed, 09 Jan 08 15:24:00

Cynhelir y digwyddiadau ar ddydd Sadwrn 26 Ionawr ac mae croeso cynnes i deuluoedd a phlant. Dyma grynodeb o ddigwyddiadau’r diwrnod:

 

Cyflwyniadau a theithiau ar gadwraeth ffilm a chadwraeth casgliadau yn y cartref.

 

Nigel Jenkins, un o Olygyddion The Welsh Academy’s Encyclopeadia of Wales yn trafod cynnwys a hanes ysgrifennu’r gyfrol bwysig a difyr a lansir ar 1 Chwefror.

 

Gweithgareddau i blant rhwng 11.00yb - 1.00yp a 2.00yp - 4.00yp gydag Artist Preswyl newydd y Llyfrgell, Blue MacAskill (digwyddiad yn Saesneg).

 

Lansiadau 3 llyfr:

‘Images of Wales: Seals of The National Library of Wales’ gan David H Williams

‘Y Ddinas ar y Bryn – Y Llyfrgell Genedlaethol mewn Lluniau’ gan Dr Rhidian Griffiths

‘The Day God Met Father’ gan Ieuan M Pugh

 

Agoriad swyddogol arddangosfa ffotograffau ‘The Valleys’ gan Anthony Stokes.

 

Sgwrs Oriel gan Peter Lord am ei arddangosfa ‘Winifred Coombe Tennant: Bywyd trwy Gelf’.

 

Bydd y crefftwraig ifanc, Mari Eluned, yn arddangos ei thlysau sydd wedi eu gwneud o lechi Cymreig.

 

Gweler y rhaglen lawn.

 

Cofiwch hefyd fod nifer o’r cyhoeddiadau ar werth yn Siop y Llyfrgell, neu ar y siop arlein.

 

Mae’r digwyddiadau i gyd am ddim ond dim ond nifer cyfyngedig o lefydd sydd i’r cyflwyniadau cadwraeth a’r sgwrs oriel. Cofiwch archebu’ch tocyn mewn da bryd felly.

 

I archebu tocyn ffoniwch 01970 632 548 neu gallwch archebu arlein.