Datganiad Preifatrwydd (Yn Ymgorffori’r Datganiad Gwarchod Data)

Mae Llyfrgell Genedlaethol Cymru yn casglu gwybodaeth bersonol at ddibenion sy'n gysylltiedig yn uniongyrchol â gwasanaeth, swyddogaeth neu weithgaredd gan y Llyfrgell.  Mae'r Llyfrgell yn cadw'r wybodaeth hon yn ddiogel yn unol â Deddf Gwarchod Data 1998.  Mae'r Llyfrgell yn casglu eich gwybodaeth bersonol at ddibenion:

• Gweinyddiaeth staff: er enghraifft, penodiadau, cyflogau.
• Cyfrifon a chofnodion: er enghraifft, darparu tocynnau darllen, sicrhau bod archebion wedi eu cwblhau.
• Gwybodaeth a rheoli cronfeydd data: er enghraifft, cynnal catalogau a chyfarwyddiaduron, crynhoi ystadegau'r Llyfrgell.
• Atal troseddau ac erlyn troseddwyr: er enghraifft, sicrhau diogelwch ein casgliadau a'n darllenwyr.
• Ymchwil: er enghraifft, ceisio darganfod sut y medrwn wella ein gwasanaethau.
• Addysg: er enghraifft, trefnu ymweliadau addysgol â'r Llyfrgell.
• Hyrwyddo: er enghraifft, i'ch hysbysu am arddangosfeydd, cynigion arbennig neu brosiectau i ddod.

Cedwir eich gwybodaeth bersonol am gyfnod rhesymol.  Efallai y byddwn ambell waith yn cysylltu â thrydydd parti i gyflenwi gwasanaeth i ni (er enghraifft, cwmni postio o dan gytundeb i anfon cylchlythyr y Llyfrgell atoch) ond ni fyddwn yn caniatáu i drydydd parti ddefnyddio eich manylion mewn unrhyw ffordd heblaw'r hyn a gynhwysir yn ein cytundeb ni.  Ni fyddwn yn datgelu eich manylion i unrhyw gorff arall.

O dan y Ddeddf Gwarchod Data mae gennych hawl i dderbyn copi o'r wybodaeth bersonol sydd gennym amdanoch.  I weithredu'r hawl hon dylech wneud cais ysgrifenedig ar ffurflen Cais Mynediad Testunol y Llyfrgell a'i hanfon at Swyddog Gwarchod Data'r Llyfrgell, sef Mr Arwel Jones.  Dylid anfon tâl o £10 gyda'r ffurflen, sef tâl gweinyddol y Llyfrgell am y gwasanaeth.  Ni ellir ad-dalu'r swm hwn.  Byddwn yn ceisio ymateb i unrhyw gais o fewn 40 diwrnod calendr.  Mae gennych hefyd yr hawl i gywiro unrhyw wybodaeth anghywir sydd gennym amdanoch.

Os penderfynwch yn y dyfodol y byddai'n well gennych beidio â derbyn gwybodaeth hysbysebol gan Lyfrgell Genedlaethol Cymru, neu os hoffech dderbyn mwy o wybodaeth am Bolisi Gwarchod Data'r Llyfrgell, cysylltwch â'r Swyddog Gwarchod Data, Mr Arwel Jones (ffôn: 01970 632801, e-bost dpo@llgc.org.uk).

I weld cofnod cyfredol Llyfrgell Genedlaethol Cymru yn y Gofrestr Gwarchod Data (rhif cofrestr Z7670787).