Datganiad Hawlfraint

 

Diogelir pob deunydd a ddarperir gan Wasanaeth Casgliad Traethodau Cymru gan hawlfraint a Hawliau Eiddo Deallusol perthnasol eraill.  Trwy ddefnyddio’r gwasanaeth hwn rydych yn cydnabod bod yr holl Hawliau Eiddo Deallusol sy’n gysylltiedig ag unrhyw Waith a ddarperir yn eiddo llwyr ac unigol i ddeiliad yr hawlfraint a/neu Hawliau Eiddo Deallusol eraill.  Nodir deiliaid hawlfraint penodol ar y tudalennau ac yn yr adrannau priodol.  Ni ddylid dehongli dolenni i ddeunyddiau ar weinyddion eraill fel hawl drostynt.

 

Caniateir drwy hyn drwydded anghyfyngol, na ellir ei throsglwyddo i’r rheiny sy’n defnyddio neu’n atgynhyrchu’r deunydd i ddibenion dilys, yn llwyr neu’n rhannol, ar yr amod y cydnabyddir deiliaid yr hawlfraint gan ddilyn y confensiynau arferol.  Os oes angen caniatâd penodol i ddefnyddio deunydd, nodir hyn a rhaid ceisio caniatâd o’r fath gan ddeiliad yr hawlfraint neu’r asiantaeth a enwir.

 

Rhaid i unrhyw un sy’n dymuno defnyddio’r catalog i unrhyw ddiben arall gysylltu â Llyfrgell Genedlaethol Cymru i ofyn am ganiatâd.

 

Datganiad Atebolrwydd

 

Trwy ddefnyddio gwasanaeth Casgliad Traethodau Cymru, rwy’n derbyn nad yw Llyfrgell Genedlaethol Cymru, sy’n darparu’r gwasanaeth, yn derbyn unrhyw gyfrifoldeb cyfreithiol am gywirdeb a chyfreithlondeb deunyddiau a gynhwysir yn y gronfa ddata, ac nad yw Llyfrgell Genedlaethol Cymru, fel darparwr y gwasanaeth hwn, yn derbyn unrhyw atebolrwydd am wall neu anwaith, neu am golled neu niwed sy’n deillio o ddefnyddio’r gronfa ddata neu o’r ffaith nad yw’r gwasanaeth ar gael neu fod bwlch mewn mynediad iddo, am ba reswm bynnag. Efallai y bydd gwybodaeth a geir drwy ddefnyddio’r gronfa ddata yn destun cyfyngiadau penodol, a bydd y gwasanaeth yn darparu manylion am y rhain i ddarpar ddefnyddwyr. Trwy wneud defnydd o ddeunydd a gedwir ar y system hon, yn cynnwys yr hyn sydd yn y gronfa ddata, mae defnyddwyr yn derbyn y darpariaethau hawlfraint ac ymwadiad hyn.  Os ydych yn ddeiliad hawliau ac yn poeni eich bod wedi dod o hyd i ddeunydd yn ein catalog nad ydych wedi rhoi caniatâd ar ei gyfer yna edrychwch ar ein Polisi Hysbysu a Thynnu’r Deunydd i Lawr.

 

Cytundeb Mynediad

 

Trwy ddefnyddio gwasanaeth Casgliad Traethodau Cymru rydych yn rhwym i’r Telerau ac Amodau canlynol.  Darllenwch hwy’n ofalus os gwelwch yn dda.

 

Rwyf wedi darllen ac rwy’n deall y datganiad canlynol: Diogelir pob eitem a ddarperir trwy’r gwasanaeth hwn gan hawlfraint a hawliau eiddo deallusol eraill, a chedwir pob hawl gan y sawl/rhai a’i creodd neu’r sefydliad y deilliodd ohono. Gall unrhyw un weld yr wybodaeth ddisgrifiadol a ffeil gysylltiedig/ffeiliau cysylltiedig unrhyw eitem yn ddi-dâl.  Gellir ailddefnyddio’r wybodaeth ddisgrifiadol am unrhyw eitem mewn unrhyw gyfrwng heb ganiatâd ymlaen llaw i ddibenion nid-er-elw ar yr amod y rhoddir cydnabyddiaeth briodol i’r ffynhonnell.  Gellir atgynhyrchu copïau unigol o ffeil(iau) testun-llawn/ data-llawn cysylltiedig ag eitem, eu harddangos neu eu perfformio mewn unrhyw ffurf neu gyfrwng ar gyfer ymchwil neu astudiaeth bersonol ac i ddibenion addysgol neu nid-er-elw heb ganiatâd ymlaen llaw ar yr amod y rhoddir cydnabyddiaeth briodol i’r ffynhonnell.  Ni ddylid ailddefnyddio na gwerthu gwybodaeth ddisgrifiadol na ffeil gysylltiedig/ ffeiliau cysylltiedig unrhyw eitem at ddibenion masnachol mewn unrhyw gyfrwng na ffurf heb ganiatâd ffurfiol deiliaid yr hawlfraint.  Mae rhai eitemau wedi’u tagio’n unigol gyda hawliau, caniatâd ac amodau gwahanol.