Visit Us
Cefnogwch Ni
Cefnogwch ni i ddatblygu ein casgliadau a'n gwasanaethau ar gyfer cenedlaethau'r dyfodol.
Ymweld â Ni
Oriau Agor
Llun – Gwener 9:30 – 18:00
Dydd Sadwrn 9:30 - 17:00
Bydd ein staff yn y dderbynfa yn hapus i’ch helpu pan fyddwch yn cyrraedd y Llyfrgell, a bydd aelodau’r staff gerllaw drwy’r Llyfrgell os fyddwch chi angen unrhyw gymorth yn ystod eich ymweliad.
Hysbysiadau i Ymwelwyr
Am y wybodaeth ddiweddaraf ynghylch newidiadau i’n gwasanaethau yn yr adeilad ac arlein, gweler ein tudalen hysbysiadau i ymwelwyr.
Pethau i’w gwneud yn Llyfrgell Genedlaethol Cymru
- Pori drwy ein hamrywiol gasgliadau
- Ymweld â'n siop am anrhegion unigryw i’r teulu i gyd
- Mwynhau pryd neu baned ym Mwyty Pen Dinas
- Crwydro drwy ein harddangosfeydd niferus sy’n dangos eitemau o’n casgliadau
- Mynychu rhai o’n digwyddiadau niferus
Diogelwch yn Llyfrgell Genedlaethol Cymru
Mae’r Llyfrgell yn cadw’r hawl i archwilio pob bag wrth roi mynediad i’r Llyfrgell.
Gofynnwn yn garedig i ddarllenwyr ac ymwelwyr sy’n dymuno ymweld â’r Ystafelloedd Darllen adael eu cotiau a’u bagiau yn y loceri sy’n cael eu darparu. Mae angen darn £1 (sy’n cael ei ad-dalu) ar gyfer pob cwpwrdd.
Parcio
O 1 Mehefin 2009 codir ffi fechan ar ymwelwyr a darllenwyr am barcio yn y Llyfrgell Genedlaethol (Dydd Llun - Dydd Gwener yn unig).
| Cerbyd | Pris (Llun - Gwener) | Pris (Sadwrn) |
|---|---|---|
| Ceir/beiciau modur | £1 (hyd at 4 awr) | Am ddim |
| £2 (dros 4 awr - ddiwrnod llawn (18:15)) | Am ddim | |
| Cerbydau tywys/carafannau | £2.50 (hyd at 4 awr) | Am ddim |
| £5.00 (dros 4 awr - ddiwrnod llawn (18:15)) | Am ddim | |
| Bws/bysiau mini | Am ddim. Rhaid rhoi gwybod o flaen llaw a defnyddio'’r bylchau penodedig. Cysylltwch â'r Porthorion i drefnu hyn 01970 632 848 neu prifporthor@llgc.org.uk | Am ddim |
Mae’r ffioedd yma’n cynnwys parcio yn unai’r blychau gwyn neu goch.
Eithrir gyrwyr sy’n arddangos bathodyn anabl cywir rhag talu.
Gellir defnyddio derbynebau parcio ar gyfer talu am un pryniant yn y Llyfrgell, yn y Cafe, Siop neu wasanaethau ffotogopïo ar yr un dydd yn unig. Ni ad-delir arian yn erbyn derbynebau parcio.
Adrodd am argyfwng
Mae nifer o aelodau’r staff wedi eu cymhwyso mewn cymorth cyntaf. Dylid rhoi gwybod am unrhyw ddamwain neu salwch naill ai i oruchwyliwr un o’r Ystafelloedd Darllen neu i aelod o’r staff diogelwch mewn lifrai yn y Neuadd Ganolog.
Gwacáu’r adeilad mewn argyfwng
Mae’n larwm tân yn seinio’n ddi-dor. Dylai darllenwyr wacáu’r adeilad a dilyn yr arwyddion gwyrdd “Emergency EXIT Brys” er mwyn gwneud eu ffordd tuag at deras allanol blaen y Llyfrgell, gan ddefnyddio’r drysau ar y llawr gwaelod (Lefel -1).
Hygyrchedd
Gwnaed pob ymdrech i wneud y Llyfrgell mor hygyrch â phosibl. Am fwy o wybodaeth ynghylch lleoliad ein safleoedd parcio i’r anabl, lifftiau ac adnoddau hygyrchedd ayb gweler ein tudalen hygyrchedd.
Awgrymiadau/Sylwadau
Mae'r Llyfrgell yn cefnogi'r safon Rhagoriaeth mewn Gwasanaeth Cwsmer. Mae safon gwasanaethau wedi eu harddangos yn amlwg. Gellir gwneud unrhyw sylwadau neu gwyn ynghylch gwasanaethau i aelod hŷn o’r staff sydd ar ddyletswydd yn y mannau gwasanaeth. Medrwch hefyd gwblhau Cerdyn Sylwadau (ar gael o’r mannau gwasanaeth) neu anfon llythyr at y Llyfrgellydd. Byddwch yn derbyn ateb o fewn 10 diwrnod gwaith.
Dylid gwneud awgrymiadau am gaffaeliadau ar lafar i aelod hŷn o staff sydd ar ddyletswydd, neu drwy lenwi Cerdyn Sylwadau, neu drwy lythyr at y Llyfrgellydd.
