Sefydlwyd rhaglen ymchwil Llyfrgell Genedlaethol Cymru ar gyfer casgliadau digidol yn 2011 er mwyn rhoi sylw i gasgliadau digidol LlGC, datblygu sylfaen dystiolaeth ar eu cyfer, y defnydd a wneir ohonynt, eu gwerth a’u heffaith. Mae dau brif faes y canolbwyntir arnynt ar gyfer y rhaglen hon:

1. Datblygu dealltwriaeth o’r modd y defnyddir ein cynnwys digidol presennol, ac yna ei ddefnyddio fel sail i nodi ffyrdd y gall y cynnwys gael ei wella a’i wneud yn fwy gwerthfawr i’w ddefnyddio ar gyfer ymchwil, addysgu, neu ymgysylltu â’r gymuned;
2. Adeiladu prosiectau sy’n datblygu cynnwys digidol newydd sy’n rhoi sylw i ymchwil penodol neu anghenion addysg, mewn partneriaeth ag academyddion a phrif randdeiliaid eraill.

Er mwyn gweithredu hyn, roedd y rhaglen wedi datblygu partneriaethau gydag ysgolheigion yng Nghymru a thu hwnt, i ddatblygu dulliau arloesol o ddefnyddio’r cynnwys digidol a grëwyd gan LlGC trwy ddefnyddio dulliau TGCh a dulliau ymchwil, a chyfathrebu’r ymchwil hwn; a datblygu prosiectau digido dan arweiniad ysgolheigion sydd, ar draws y disgyblaethau, wedi nodi pa adnoddau y dylid eu digido er mwyn cael effaith drawsnewidiol ar eu maes.

Cysylltiadau

1. Staff
2. Prosiectau
3. Myfyrwyr ôl-raddedig
4. Meysydd Ymchwil
5. Dosbarthu ac allgyrraedd