Collections

Cefnogwch Ni

Cefnogwch ni i ddatblygu ein casgliadau a'n gwasanaethau ar gyfer cenedlaethau'r dyfodol.

Casgliad Cyhoeddiadau Swyddogol Sefydliadau Rhyngwladol

Cyflwyniad

Mae gan Lyfrgell Genedlaethol Cymru gasgliadau helaeth o gyhoeddiadau asiantaethau rhyngwladol, ac mae hi’n lyfrgell Adnau Rheolaidd (DL241) y Cenhedloedd Unedig. Mae’r casgliad yn dyddio’n nôl i’r 1920au ac yn cynnwys dogfennau a gyhoeddwyd gan ragflaenydd y Cenhedloedd Unedig, Cynghrair y Cenhedloedd.

Chwilio’r casgliad

Mae’r monograffau, blwyddlyfrau a chyfnodolion diweddar wedi eu catalogio’n llawn a gellir eu canfod drwy chwilio’r OPAC ond ni chofnodir daliadau cyn 1986 ar gyfer nifer o gyhoeddiadau monograff a chyfresol (gan gynnwys blwyddlyfrau a bwletinau ystadegol). Mae cyhoeddiadau o’r fath yn cael eu rhoi ar y silff yn ôl teitl yng Nghasgliad y Cenhedloedd Unedig a gellir eu pori ar gais. Mae’r gwaith i’w ychwanegu i’r OPAC yn parhau.

Ni chofnodir daliadau papurau gweithio y Cenhedloedd Unedig; mae cyhoeddiadau o’r fath yn cael eu rhoi ar y silff yn ôl rhif dogfen y Cenhedloedd Unedig.

Gellir archebu eitemau o flaen llaw oni bai bod darllenydd arall eisoes wedi gwneud cais am yr eitem.

Y Cenhedloedd Unedig

Mae’r llyfrgell yn derbyn deunydd a gyhoeddwyd gan gyrff canlynol y Cenhedloedd Unedig, yn cynnwys cyfnodolion, monograffau a phapurau sesiynol:

Y Cynulliad Cyffredinol
Y Cyngor Diogelwch
Y Cyngor Economaidd a Chymdeithasol
Yr Ysgrifenyddiaeth

Derbyniodd y Llyfrgell gyhoeddiadau'r Cyngor Ymddiriedolaeth hyd nes ei atal yn 1994.

Cyhoeddir adroddiadau blynyddol cyrff ac asiantaethau atodol y Cenhedloedd Unedig fel atodiadau i Gofnodion Swyddogol y Cynulliad Cyffredinol.

Derbynnir cyhoeddiadau monograff a chyfnodolion hefyd gan asiantaethau Cenhedloedd Unedig eraill megis Sefydliad Iechyd y Byd (WHO), Sefydliad Morol Rhyngwladol (IMO), Swyddfa Llafur Rhyngwladol/International Labour Office (ILO), Banc y Byd, Y Gronfa Ariannol Ryngwladol (IMF) a Chronfa Blant y Cenhedloedd Unedig (UNICEF). Mae monograffau a chyfnodolion o’r Asiantaeth Ynni Atomig Ryngwladol (IAEA) hefyd yn cael eu hadnau ynghyd â phapurau sesiynol y Gynhadledd Gyffredinol o Sesiwn 4 (1960).

Mae casgliad o bapurau Cynghrair y Cenhedloedd o’r cyfnod 1920-1939.

Cynulliad Seneddol Cyngor Ewrop

Mae’r Llyfrgell yn dal amrywiol ddogfennau o Gynulliad Seneddol Cyngor Ewrop o 1949

Adroddiad Swyddogol y Cynulliad Ymgynghorol 1949-1974
Adroddiad Swyddogol y Cynulliad Seneddol 1974 - 2006
Adroddiad Swyddogol y Cynulliad Seneddol (CD Rom) 2006 –
Testunau a Fabwysiadwyd 1953 – 2003
Trefn y Dydd a Chofnodion Trafodion 1950 – 2003
Dogfennau 1951 -

Mae’r Cynulliad Seneddol yn cwrdd 4 gwaith y flwyddyn ym mis Ionawr (Sesiwn 1af), Ebrill (2il Sesiwn) Mehefin (3ydd Sesiwn) a Hydref (4ydd Sesiwn) gyda’r Cofnod a Dogfennau Swyddogol a’r Papurau Gweithredol yn cael eu trefnu mewn cyfrolau yn ôl y sesiwn.

Y Sefydliad ar gyfer Cydweithrediad a Datblygiad Economaidd (OECD)

Mae’r Llyfrgell yn dal nifer o gyhoeddiadau cyfresol a monograff yn cynnwys adroddiadau a bwletinau ystadegol. Nid yw daliadau cyn 1986 ar gyfer nifer o gyhoeddiadau cyfresol a monograff (gan gynnwys blwyddlyfrau a bwletinau ystadegol) wedi eu cofnodi er bod cyhoeddiadau o’r fath yn cael eu rhoi ar y silff yn ôl teitl yng nghasgliad yr OECD.

Y Sefydliad ar gyfer Diogelwch a Chydweithrediad yn Ewrop (OSCE)

Mae’r Llyfrgell yn dal papurau gan amrywiol cyrff yr OSCE gan gynnwys:

Y Cyngor Parhaol
Y Fforwm Economaidd
Y Fforwm ar gyfer Cydweithrediad ar y Gwasanaethau Diogelwch
Y Fforwm ar gyfer Cydweithrediad Diogelwch
Y Cyngor Gweinidogaethol
Yr Ysgrifennydd Cyffredinol
Y Swyddfa ar gyfer Sefydliadau Democrataidd a Hawliau Dynol (OHDIR)

Nid yw’r papurau hyn ar gael yn OPAC eto.

Ar-lein

OECD iLibrary

Gellir cael mynediad i adnoddau allanol ar lein ar dudalen adnoddau allanol ar lein.