Cefndir y Prosiect:

Mae Isadran Gofal Casgliadau yr Adran Gwasanaethau Casgliadau, yn ymdrechu i warchod, cadw, diogelu ac arafu unrhyw ddirywiad sy’n effeithio ar gasgliadau’r Llyfrgell. Trwy gwblhau gweithgareddau Gofal Casgliadau, sy’n cynnwys camau cadwedigaeth, dulliau cadwraeth ataliol, triniaeth cadwraeth a chynnal casgliadau, mae’n bosibl cyfyngu ar y broses ddirywio ac ymestyn oes ein casgliadau.

Yn archif Llyfrgell Genedlaethol Cymru mae casgliad mawr o gynlluniau adeiladu a lluniadau peirianyddol sydd o bwysigrwydd hanesyddol. Dros y blynyddoedd mae’r casgliad wedi cael ei gadw mewn lleoliadau anaddas.  Bydd prosiect gwirfoddolwyr o fantais i’r casgliad oherwydd bydd llai o berygl iddo gael ei ddifrodi a bydd gwell mynediad ato. Bydd dulliau cadwraeth ataliol yn cael eu defnyddio a bydd staff cadwraeth yn darparu hyfforddiant.

Ar gyfer y prosiect arbennig hwn, rydym yn gobeithio gallu penodi gwirfoddolwyr gyda sgiliau a gwybodaeth arbennig a pherthnasol nad ydynt ar gael ymhlith y staff ar hyn o bryd.

Lleoliad: Uned Cadwraeth Ataliol

Prif dasgau: Bydd gweithgareddau penodol yn cynnwys:-

• didoli deunydd archifol (cynlluniau, lluniadau, dogfennau);
• gosod cynlluniau, lluniadau, dogfennau yn wastad;
• dehongli lluniadau a chynlluniau peirianyddol;
• cofnodi data;
• cefnogi gwelliannau i’r ardal cadw paentiadau.

Gofynion:

Hanfodol

• y gallu i weithio mewn tîm;
• y gallu i weithio gydag ychydig o arolygaeth;
• y gallu i gyfathrebu’n dda;
• cefndir pensaernïol neu beirianyddol;
• trefnus a gofalus.

Manteisiol

• y gallu i gyfathrebu yn Gymraeg a Saesneg;
• diddordeb mewn hanes pensaernïol;
• diddordeb mewn gweithgareddau yn seiliedig ar grefftau;
• diddordeb mewn etifeddiaeth ddiwylliannol;
• sgiliau TG.

Oriau ac ymrwymiad: I'w gytuno. Dyddiad cychwyn i'w gadarnhau.

----------------------------------------------------------------------------------------------

Cefndir y Prosiect:

Nôd y prosiect yw creu cofrestr o ddeunydd yn gysylltiedig â’r rheilffyrdd sydd yng Nghasgliad Cenedlaethol Ffotograffau Cymreig a chreu mynediad haws atynt i’r cyhoedd. Er bod rheilffyrdd yn bwnc ymchwil poblogaidd ers tro byd, mae prinder adnoddau  wedi atal y Llyfrgell hyd yn hyn rhag paratoi rhestrau o’r ffotograffau yma. Gall gwirfoddolwr neu wirfoddolwyr hyfforddedig a fyddai’n gweithio o dan oruchwyliaeth sicrhau bod mynediad hwylus at y maes ymchwil poblogaidd hwn.

Mae nifer o ffotograffau sydd o ddiddordeb i haneswyr a’r rhai sy’n ymddiddori
mewn rheilffyrdd yn y Casgliad.  Mae’r rhain yn cynnwys golygfeydd o orsafoedd rheilffordd, y trenau ac ati, a’r gweithwyr.  Ond mae’r rhain wedi eu gwasgaru drwy’r casgliad o tua 4,800 o albymau, er ei bod yn bosibl gweld y rhan fwyaf trwy gofnodion electronig.  Fodd bynnag, byddai cynllun i gasglu’r holl gofnodion hyn mewn un gronfa ddata, fyddai’n hawdd cael mynediad iddi, o fantais i’r casgliad.

Lleoliad: Casgliad Cenedlaethol Ffotograffau Cymreig, Gwasanaethau Casgliadau  

Prif dasgau:  Bydd gweithgareddau penodol yn cynnwys :-

• didoli ffotograffau;
• chwilio am ddeunydd perthnasol mewn cronfeydd data;
• dehongli ffotograffau;
• cofnodi data o wahanol ffynonellau;
• nodi anghenion cadwraeth;
• coladu cofnodion.

Gofynion:

Hanfodol

• y gallu i weithio mewn tîm;
• y gallu i gyfathrebu’n dda;
• y gallu i weithio gydag ychydig o arolygaeth;
• cefndir treftadaeth;
• trefnus a gofalus.

Manteisiol

• y gallu i gyfathrebu drwy’r Gymraeg a’r Saesneg;
• diddordeb mewn hanes rheilffyrdd;
• diddordeb mewn etifeddiaeth ffotograffig;
• sgiliau TG;
• y gallu i ymchwilio deunydd perthnasol;
• deall cyfraith hawlfraint.

Oriau ac ymrwymiad: I’w gytuno. Dyddiad cychwyn i'w gadarnhau.