Defnyddio'r Ystafelloedd Darllen

Ystafell Ddarllen y De (Deunydd Di-Brint)

Cyfarpar Perthnasol:-

• Chwydd wydr ar gael i fenthyg o'r ddesg ymholiadau
  
• Peiriant darllen y sgrin (Supernova) sydd yn chwyddo testun a lluniau, rheoli lliw a glöywder yn unol â gofynion y defnyddiwr. Mae'n darllen neu sillafu allan unrhyw destyn o'r sgrin: dogfennau, gwefannau, e-byst a.y.y.b. yn y Gymraeg a'r Saesneg. Mae croeso i ddarllenwyr ddod a'u 'Braille pads' gyda nhw i'r Llyfrgell, a'u cysylltu i'r darllenwyr sgrin.
  
• Bigkeys Keyboard. Gofynnwch wrth ddesg ymholiadau Ystafell y De (deunydd di-brint) am fwy o wybodaeth
  
• BigTrac Mouse. Gofynwch wrth ddesg ymholiadau Ystafell y De (deunydd di-brint) am fwy o wybodaeth.
  
• ScannaR Peiriant scanio testun (ScannaR) sydd yn darllen testun unrhyw ddogfen yn uchel mewn eiliadau. Gellir rheoli cyflymder a lefel y sain, a dewis o'r ieithoedd canlynol - Saesneg, Ffrangeg, Almaeneg, Eidaleg neu Sbaeneg.
  
• Chwyddwydr Fideo (Smartview). Cymorth gwelediad isel yw'r chwyddwydr fideo SmartView. Mae'n chwyddo eitemau, gweithredoedd a thestun ar sgrin arddangos.
  
• Chwyddwydr Testun (Aversion 300). Mae'r peiriant hwn wedi ei leoli yn ardal ddiogel Ystafell Ddarllen y De. Gall chwyddo'r testun a'i arddangos ar y monitor.

Ystafell Ddarllen y Gogledd (Deunydd Print)

Cyfarpar Perthnasol:-

• Chwydd wydr ar gael i fenthyg o'r ddesg ymholiadau
  
• Peiriant darllen y sgrin (Supernova) sydd yn chwyddo testun a lluniau, rheoli lliw a glöywder yn unol â gofynion y defnyddiwr. Mae'n darllen neu sillafu allan unrhyw destyn o'r sgrin: dogfennau, gwefannau, e-byst a.y.y.b. yn y Gymraeg a'r Saesneg. Mae croeso i ddarllenwyr ddod a'u 'Braille pads' gyda nhw i'r Llyfrgell, a'u cysylltu i'r darllenwyr sgrin.
  
• Cyfrifiadur â sgrin 21", wedi ei leoli ym mhen pellaf yr ystafell gatalog, gogyfer â darllenwyr â nam ar eu golwg i chwilio catalogau'r Llyfrgell. Ynghlwm â sgrin y cyfrifiadur hwn ceir chwyddwydr testun (Aversion 300) sydd yn gallu chwyddo testun a'i arddangos ar y sgrin 21".
  
• Chwyddwydr Fideo (Smartview). Cymorth gwelediad isel yw'r chwyddwydr fideo SmartView. Mae'n chwyddo eitemau, gweithredoedd a thestun ar sgrin arddangos. Lleolir y peiriant hwn yn yr ystafell gatalog.

Ardaloedd o ddiddordeb:-

• Mae bwrdd rhif 12 wedi ei glustnodi ar gyfer defnyddwyr cadair olwyn. Mae wedi ei leoli gyferbyn â'r drysau awtomatig.
  
• Uned llungopïo. Yma gellir chwyddo llungopïau o faint A4 i A3 i hwyluso'u darllen.
  
• Ceir byrddau â socedi wedi eu clustnodi i ddefnyddwyr gluniaduron, yn rhan orllewinol Ystafell y Gogledd, yn yml y byrddau papur newydd. Ni chaniateir sganio unrhyw ddeunydd o'r Llyfrgell.
  
• Gellir defnyddio Ystafell Erina Morris i chwarae tapiau a defnyddio peirianau sain, os nad yw'r ystafell yn cael ei defnyddio gan ddarllenwyr eraill ar y pryd. Gofynnwch wrth y ddesg ymholiadau cyn defnyddio'r ystafell i'r perwyl hwn os gwelwch yn dda.

Gwybodaeth ddefnyddiol:-

• Ar y catalog cyfrifiadurol OPAC, gallwch chwilio am eiriau fel 'print bras', fe fydd hyn yn cynnig rhestr o lyfrau sydd wedi eu cyhoeddi mewn print bras neu lyfrau sy'n trafod gweithiau print bras.
  
• Mae silffoedd agored yr ystafell ddarllen yn cynnwys nifer o gyfeirlyfrau a all fod o gymorth. Mae dosbarth H er enghraifft yn cynnwys y 'Dictionary for disabled people' (HV3024.67) a 'How to get equipment for disability' (HV1559.67).
  
• Mae gan y Llyfrgell gasgliad o 'lyfrau llafar' yn Archif Genedlaethol Sgrin a Sain Cymru, yngyd â pheiriannau i wrando arnynt. Ceir hefyd gatalog o dapiau sain Cymraeg i rai â nam ar ei golwg, gan gynnwys rhai awduron yn darllen eu gwaith. Rhaid archebu unrhyw ddeunydd o'r Archif Sgrin a Sain oleiaf 24 awr ymlaen llaw.

Archif Sgrin a Sain

• Mae'r ystafelloedd gwylio a gwrando yn hollol hygyrch.
  

DRWM

Mae cynnig amgylchedd groesawgar yn egwyddor pwysig y tu ôl i brofiad y DRWM. Rydym yn frwd iawn ynglyn â sicrhau fod eich ymweliad yn un hawdd a phleserus iawn.

• Mae'r DRWM wedi ei leoli ar y llawr gwaelod, ar yr un lefel â'r fynedfa. Trowch i'r dde yn syth wedi'r siop, ac yna i'r dde wrth y grisiau, ac mae mynedfa'r DRWM ar eich chwith.
  
• Cownter isel a system 'loop' yn y swyddfa docynnau.
  
• Mae yna ddrws llydan i sicrhau hygyrchedd i gadair olwyn.
  
• Gellir symud 4 cadair yn ôl yr angen i sicrhau lle i gadair olwyn.
  
• Mae system sain is-goch yn y DRWM, a thrwy ddefnyddio clustffôn y DRWM y ceir y sain gorau (gofynnwch i aelod o staff wrth fynd i mewn i'r DRWM). Fel arall, gellir troi eich cymorth clywed i'r pwynt T.
  
• Croesawir cŵn cymorth yn y DRWM
  
• Lleolir 2 doiled mynediad arbennig ar yr un llawr â'r DRWM (llawr gwaelod)
  
• Mae 3 cadair olwyn ar gael i'w defnyddio o'r fynedfa ar y llawr gwaelod.

Am fwy o fanylion ynglyn â mynediad i'r DRWM cysylltwch â ni ar 01970 632 534.

Gwybodaeth bellach

Os oes gennych fwy o anghenion neu yr hoffech fwy o wybodaeth, mae croeso i chi gysylltu â ni

Rhif Ffôn: +44 (0)1970 632 800

Fax: +44 (0)1970 615 709

E-bost: swyddog.hygyrchedd@llgc.org.uk

Ymholiadau cyffredinol: Ffurflen ymholiadau

Archif Genedlaethol Sgrin a Sain Cymru: agssc@llgc.org.uk

Er mwyn cydymffurfio â dyletswydd gyffredinol y Llyfrgell dan y ddeddfwriaeth berthnasol ar gyfartaledd cyfle, mae'r uchod wedi ei ystyried a'i gymeradwyo gan Grwp Cyfleoedd Cyfartal Llyfrgell Genedlaethol Cymru.