Digital Mirror
Cefnogwch Ni
Cefnogwch ni i ddatblygu ein casgliadau a'n gwasanaethau ar gyfer cenedlaethau'r dyfodol.
Digido Cylchgronau'r 19eg Ganrif
Y Brython (1858-1863)
Digidwyd Y Brython (1858-1863) gan y Llyfrgell Genedlaethol fel peilot i weld y math o waith a'r problemau a allai godi yn sgil cynllun i ddigido holl gasgliad y Llyfrgell o gylchgronau Cymraeg a Chymreig cyn-1900 sydd ar ficroffilm cadwedigaethol. Byddai digido'r casgliad hwn yn caniatáu mynediad at gorff sylweddol o adnoddau cyfoethog a fyddai o ddefnydd i bawb sy'n astudio unrhyw agwedd ar Gymru'r bedwaredd ganrif ar bymtheg.
Penderfynwyd digido Y Brython (1858-1863) oherwydd natur gyffredinol ei gynnwys. Roedd yn gylchgrawn anenwadol, poblogaidd yn canolbwyntio ar lenyddiaeth, hynafiaethau a llên gwerin. Cafodd ei gyhoeddi/argraffu yn Nhremadog a'i olygu gan Alltud Eifion (1858; 1860-1863) a D. Silvan Evans (1858-1859). Yn ystod ei fodolaeth fel cylchgrawn newidiodd o fod yn wythnosolyn (1858) i fod yn fisolyn (1858-1861) ac yna yn gyhoeddiad chwarterol (1861-1862).
Digidwyd y cylchgrawn o gopïau microffilm. Cafodd y cylchgrawn ei ficroffilmio o gopïau gwreiddiol yn y Llyfrgell Genedlaethol fel rhan o Gynllun microffilmio Mellon, 1988-1998, a gydlynwyd gan y Swyddfa Gadwedigaeth Genedlaethol.
Gweld Y Brython :
Cyfrol 1
Cyfrol 2
Cyfrol 3
Cyfrol 4
Cyfrol 5
