Sefydlwyd stiwdio cadwraeth darluniau yn Llyfrgell Genedlaethol Cymru er mwyn cynnig gwasanaeth proffesiynol ar gyfer amgueddfeydd, unigolion a chasgliadau cyhoeddus a phreifat.

Cynigir ystod eang o wasanaethau cadwraeth ar gyfer darluniau îsl sy’n cynnwys:

• triniaethau cadwraeth cyflawn ar gyfer adfer darluniau hen a newydd

• arolygu cyflwr darluniau

• amcangyfrif cost triniaeth

• gwaith fframio cadwraethol

• dogfennaeth lawn ysgrifenedig a ffotograffig

• pob agwedd o reoli casgliadau o’r asesiad cychwynnol i’r gwaith fframio

• archwilio cyflwr gwaith celf drwy ddulliau gwyddonol

• paratoi adroddiad cyflwr cyn gwerthu neu brynu darn o gelf

• cynorthwyo arddangosfeydd yn cynnwys archwilio cyn ac ar ôl benthyg, goruchwylio gwaith fframio a phacio, a gwasanaeth cludo eitemau

• cymorth argyfwng yn achos tân, llifogydd neu ddifrod damweiniol

• ymgymerir â’r gwaith yn stiwdio’r Llyfrgell neu ar y safle

Swyddog Cadwraeth Darluniau Îsl

Enillodd Jenny Williamson, swyddog Cadwraeth Darluniau Îsl y Llyfrgell, ei gradd ym Mhrifysgol Caergrawnt cyn cael hyfforddiant mewn cadwraeth darluniau îsl yn Sefydliad Celf Courtauld. Bu’n gweithio mewn amgueddfeydd ac i gwsmeriaid preifat yng Nghymru, Lloegr a’r India, gan gynnwys Amgueddfa Victoria ac Albert, yr Oriel Genedlaethol, Llundain, Oriel Gelf Glynn Vivian, Abertawe, Llyfrgell Genedlaethol Cymru ac Ymddiriedolaeth Trichanmlwyddiant Calcutta.