Collections
Cefnogwch Ni
Cefnogwch ni i ddatblygu ein casgliadau a'n gwasanaethau ar gyfer cenedlaethau'r dyfodol.
Arferion Da
- Dau lyfr – un wedi ei effeithio gan olau
Trwy ddilyn ychydig o ganllawiau syml, gellir estyn oes cyfrolau, llawysgrifau, darnau o gelf neu unrhyw wrthrych arall yn sylweddol.
Gelynion casgliadau
Fel y gwyddom, organig yw cyfansoddiad pob llyfr, ac felly, mae'n cynnwys yr elfennau hynny sy'n sicr o arwain at ei ddistryw rhyw ddydd. Gall y broses hon gael ei chyflymu'n arw gan, ymysg pethau eraill:
- amodau amgylcheddol anffafriol
- ymosodiadau gan bryfed
- llwydni
- goleuni
- difrod dŵr
Ond o bosib, mewn modd diarwybod, pobl yw prif ddifrodwyr llyfrau yn y modd yr ydym yn trin ac yn trafod ein casgliadau.
Trwy ddod i adnabod prif elynion ein gwrthrychau, gwelir bod modd osgoi y rhan fwyaf ohonynt. Gellir wedyn ddilyn nifer o ganllawiau syml i estyn oes ein casgliadau gwerthfawr.
Cliciwch ar y penawdau ar y chwith i ddysgu mwy am rai o’r gelynion a’r hyn y gallwch wneud i leihau eu heffaith.
