Pwy sy’n cael ymweld?

Mae Llyfrgell Genedlaethol Cymru yn croesawu grwpiau o bob math i ymweld ac i ddefnyddio ein gwasanaethau amrywiol. 

Gofynnwn yn garedig i grwpiau roi gwybod i ni am eu hymweliad ymlaen llaw.

Mae llawer o’n hymweliadau wedi eu trefnu gan

• gymdeithasau hanes lleol 

• cymdeithasau hanes teulu

• ysgolion

• grwpiau gwirfoddol 

• clybiau a chymdeithasau

Beth am gysylltu â ni pan rydych chi’n trefnu eich calendr digwyddiadau?

Mae manylion am sut i drefnu ymweliad ysgol ar ein gwefan Addysg.

Teithiau tywys

Mae’n bosib y bydd grwpiau yn dymuno gwneud trefniadau ymlaen llaw i gael taith dywys o amgylch yr adeilad.

Mae pob taith yn rhad ac am ddim ac mae teithiau tywys cyffredinol yn para am oddeutu awr a hanner yr un. 

Gallwn, fodd bynnag, drefnu teithiau tywys i gwrdd â’ch gofynion chi. 

Mae’r teithiau yn dechrau o Siop y Llyfrgell ar y llawr gwaelod, y drws nesaf i’r dderbynfa. 

Beth fyddaf i/fyddwn ni yn ei weld?

Bydd ein staff profiadol yn rhoi cyflwyniad cyffredinol i

• hanes y Llyfrgell

• ei chasgliadau  

• yr adeilad 

Ieithoedd

Gall y teithiau gael eu cynnal drwy gyfrwng y Gymraeg neu Saesneg. 

Mae cyflwyniad ysgrifenedig bras i’r Llyfrgell ar gael mewn Almaeneg, Sbaeneg a Ffrangeg  o ddesg derbynfa’r Llyfrgell.