Cefndir sefydlu Prosiect Cymynrodd Kyffin Williams

 

Pan fu farw ym Medi 2006, gadawodd yr arlunydd Cymreig byd enwog, Syr Kyffin Williams, ran helaeth o’i ystâd i Lyfrgell Genedlaethol Cymru. Mae’r gymynrodd yn cwmpasu’r gweithiau a grewyd gan yr artist, ac yn eiddo iddo, ei gasgliad eang o gelf gan eraill, ei brintiau, ei archifau, medalau, ynghyd â chasgliad bach o adar ac anifeiliaid mewn efydd. Yn ogystal â hyn oll cafwyd ychydig dros £400,000 a fydd yn sicrhau’r adnoddau angenrheidiol i storio’r darluniau, catalogio’r holl ddeunydd a’r rhaglen ddigido.

 

 

Yng Ngwanwyn 2008 sefydlwyd Prosiect Cymynrodd Kyffin Williams. Dechreuwyd ar y gwaith o gatalogio’r gweithiau celf a’r archifau yn ystod Haf 2008 a bydd y rhaglen ddigido yn cychwyn ddechrau Haf 2009. Y nod yw darparu catalog arlein o fewn y ddwy flynedd nesaf a gwefan bwrpasol. Ymhlith cynlluniau’r dyfodol mae arddangosfa ag iddi ffocws rhyngwladol.

 

 

Cynnwys cymynrodd Kyffin Williams

 

Mae’r gymynrodd yn cynnwys 1200 o weithiau ar bapur, 200 darlun olew a thros 300 o brintiau gwreiddiol yn darlunio tirlun a phobl Cymru; archif gynhwysfawr yn cynnwys gohebiaeth, dyddiaduron a llawysgrifau, ynghyd â grŵp mawr o ffotograffau a sleidiau. Mae’r cyfan yn rhoi arolwg cyflawn o’i fywyd a’i waith, a byddant yn adnodd gwerthfawr i nifer o bobl, gan gynnwys:

• athrawon a myfyrwyr ysgol
• myfyrwyr addysg uwch
• myfyrwyr addysg gydol oes
• ymchwilwyr
• staff orielau a chasgliadau cyhoeddus a chenedlaethol
• unigolion â diddordeb mewn celf Gymreig
• unigolion sy’n casglu neu’n berchen ar waith Kyffin Williams
• y wasg a chyfryngau eraill

 

 

'The Sir Kyffin Williams Bequest'

 

Sgwrs yn trafod cymynrodd Syr Kyffin Williams gan Dr Paul Joyner, Llyfrgell Genedlaethol Cymru (trwy gyfrwng y Saesneg).

 

 

Blog Kyffin

 

Blog yn seiliedig ar Brosiect Cymynrodd Kyffin Williams

 

 

Prynu delweddau arlein

 

Mae rhai cardiau a phrintiau o waith Kyffin Williams ar werth yn siop arlein y Llyfrgell.

 

 

Dolenni allanol

 

Oriel Kyffin Williams - agorodd Oriel Ynys Môn ei horiel newydd yn ystod Haf 2008.

 

Amgueddfa Cymru