Visit Us
Cefnogwch Ni
Cefnogwch ni i ddatblygu ein casgliadau a'n gwasanaethau ar gyfer cenedlaethau'r dyfodol.
Teithiau Tywys LlGC
Cynigir teithiau tywys rhad ac am ddim o gwmpas Llyfrgell Genedlaethol Cymru bob:
- Dydd Llun am 11:00
- Dydd Mercher am 14:15
Gall grwpiau hefyd drefnu i gael teithiau tywys ar adegau eraill trwy lenwi'r ffurflen archebu teithiau.
Gellir gweld unrhyw newidiadau i'r dyddiau neu amserau teithiau ar wefan y Llyfrgell, yn y wasg leol ac ar bosteri yn yr adeilad.
Sut i ymuno â thaith
Bydd teithiau yn dechrau o Siop y Llyfrgell ar y llawr gwaelod (Lefel -1), y drws nesaf i'r dderbynfa.
Er bod y teithiau yn rhad ac am ddim bydd angen i chi sicrhau tocyn ymlaen llaw. Gallwch wneud hyn:
- ar ein tudalen Digwyddiadau
- drwy ymweld â Siop y Llyfrgell
- drwy ffonio 01970 632 548
Mae'r teithiau yn para am oddeutu awr a hanner ac yn rhoi cyflwyniad i:
- hanes y Llyfrgell
- ei chasgliadau
- yr adeilad
Caiff y teithiau agored eu cynnal yn Saesneg fel arfer gan dywyswyr dwyieithog (Cymraeg / Saesneg). Gallwn gynnig teithiau trwy'r Gymraeg i grwpiau sydd yn trefnu ymlaen llaw.
Hygyrchedd
Mae'r holl ardaloedd y byddwch yn ymweld â nhw yn ystod y daith yn hygyrch i ddefnyddwyr cadair olwyn. Gallwch ddefnyddio'r lifft i gyrraedd 3 llawr y Llyfrgell. Bydd peth cerdded o gwmpas yr adeilad a sefyll yn ystod y daith.
Rhowch wybod i ni, os gwelwch yn dda, os oes gennych unrhyw ofynion penodol a allai effeithio ar eich mwynhad.
Ni chaniateir i chi ddod â bagiau, gan gynnwys bagiau llaw, na chotiau ar y daith. Gadewch eich bagiau a'ch cotiau yn y loceri ar y llawr gwaelod (Lefel -1) neu'r llawr cyntaf (Lefel 0) os gwelwch yn dda. Byddwch angen darn £1 fel blaendal i ddefnyddio'r loceri.
Gwasanaethau
Gan mai dim ond cyflwyniad i'r Llyfrgell y gall y daith ei roi, mae croeso i chi ymweld ï'r arddangosfeydd, Siop y Llyfrgell a Bwyty Pen Dinas wedi'r daith yn eich amser eich hun.
Gallwch hefyd fanteisio ar y cyfle i wneud cais am Docyn Darllen a fydd yn rhoi mynediad uniongyrchol i'n holl gasgliadau yn yr Ystafelloedd Darllen.
Mae unigolion yn gyfrifol am eu diogelwch eu hunain yn ystod taith dywys.
Parcio
O 1 Mehefin 2009 codir ffi fechan ar ymwelwyr a darllenwyr am barcio yn y Llyfrgell Genedlaethol (Dydd Llun - Dydd Gwener yn unig).
| Cerbyd | Pris (Llun - Gwener) | Pris (Sadwrn) |
|---|---|---|
| Ceir/beiciau modur | £1 (hyd at 4 awr) | Am ddim |
| £2 (dros 4 awr - ddiwrnod llawn (18:15)) | Am ddim | |
| Cerbydau tywys/carafannau | £2.50 (hyd at 4 awr) | Am ddim |
| £5.00 (dros 4 awr - ddiwrnod llawn (18:15)) | Am ddim | |
| Bws/bysiau mini | Am ddim. Rhaid rhoi gwybod o flaen llaw a defnyddio'’r bylchau penodedig. Cysylltwch â'r Porthorion i drefnu hyn 01970 632 848 neu prifporthor@llgc.org.uk | Am ddim |
Mae’r ffioedd yma’n cynnwys parcio yn unai’r blychau gwyn neu goch.
Eithrir gyrwyr sy’n arddangos bathodyn anabl cywir rhag talu.
Gellir defnyddio derbynebau parcio ar gyfer talu am un pryniant yn y Llyfrgell, yn y Cafe, Siop neu wasanaethau ffotogopïo ar yr un dydd yn unig. Ni ad-delir arian yn erbyn derbynebau parcio.
