Collections
Cefnogwch Ni
Cefnogwch ni i ddatblygu ein casgliadau a'n gwasanaethau ar gyfer cenedlaethau'r dyfodol.
Hunangymorth
Dyma restr fer o gynghorion cadwraethol a fydd o gymorth i warchod amrywiol gasgliadau, ac yn fodd i’w hamddiffyn rhag y prif elynion gan estyn oes y gwrthrychau’n sylweddol.
- Blwch diasid
- Sicrhewch yr amodau amgylcheddol gorau o ran tymheredd a lleithder yr awyr - dylai hyn warchod eich casgliadau rhag llwydni a phryfed.
- Gosodwch eich llyfrau mwyaf gwerthfawr mewn blychau pwrpasol neu mewn cypyrddau caeëdig. Mae hyn yn creu microhinsawdd fwy sefydlog.
- Peidiwch â storio llyfrau gwerthfawr yn yr atig. Gall fod yn boeth iawn yno yn ystod y dydd, ac yn oer iawn yn ystod y nos.
- Er mwyn lleihau effaith andwyol goleuni, gosodwch lenni trwchus ar ffenestri gan sicrhau eu bod ar gau pan nad yw’r ystafell yn cael ei defnyddio.
- Menig cotwm
- Gosodwch eich darluniau a’ch silffoedd llyfrau allan o gyrraedd goleuni uniongyrchol yr haul. Yn ogystal, ni ddylid eu gosod uwchben rheiddiaduron.
- Defnyddiwch olau gwynias (incandescent) nad yw’n cynnwys pelydrau uwchfioled. Gellir gosod bylbiau watedd isel gyda swîts pylu i osod lefel y golau mor isel ag sy’n gyfforddus i’ch llygaid.
- Gwisgwch fenyg cotwm wrth drin a thrafod ffotograffau a’r llyfrau mwyaf gwerthfawr. Bydd hyn yn gwarchod eitemau rhag yr asid brasterog a ddaw o’n bysedd.
- Crud llyfr
- Er mwyn atal difrod gan nwyon asidig, sicrhewch fod eich silffoedd a’ch cypyrddau pren wedi eu selio â farnais polyurethane.
- Defnyddiwch grud i gynnal cyfrolau bregus.
- Peidiwch byth a defnyddio tâp selo i drwsio eich llyfrau (mae’n melynu ac yn staenio). Gellir archebu tâp o ansawdd cadwraethol ar gyfer mân drwsio.
- Aeth bwyd lledr (leather dressing) allan o ffasiwn. Ymddengys ei fod yn gwneud mwy o ddrwg nac o les, a’r cyngor diweddaraf yw i ni beidio â’i ddefnyddio ar ein cloriau lledr.
