AMGUEDDFA GENEDLAETHOL CYMRU
SUB-DEPARTMENT OF FOLK CULTURE & INDUSTRIES,
NATIONAL MUSEUM OF WALES,
CARDIFF.

22 Mehefin 1933

Annwyl gyfaill:

Bu Miss Cassie Davies yma heddiw yn trafod mater bathodyn y Blaid a chytunasom mai awgrym Mr. Huws sef y [Triban] yw'r gorau o ddigon.

Dylid gwneud dau fath - un ar ddull brooch i'r merched a'r llall i'w osod mewn twll botwm i'r dynion. Gwyddoch ddull y rheini sef math o hanner lleuad ar y tu cefn i'w wthio trwy'r twll.

Sonia Mr. Huws am ei wneud mewn pres neu nickel. O'r ddau pres yw'r gorau o ddigon, ond fe gred Miss Davies a minnau y byddai'n well fyth wneud y cwbl o bres ac yna lliwio'r bathodyn ei hun gydag enamel gwyrdd tywyll (enamel tebyg i hwnnw ar fathodyn Byddin yr Iaith erstalwm). A wyddoch chwi am firms sy'n gwneud y pethau hyn fel y gallwn gael tenders? Oni wyddoch, credaf y gallaf gael un neu ddau o gyfeiriadau i chwi.

Nid drwg o beth fyddai cael llun gorffenedig gan Mr. Huws i'w anfon i'r gwneuthurwyr - y bathodyn i beidio â bod yn fwy na hanner modfedd ysgwâr.

Sgrifennaf hyn cyn gwybod a yw Mr. Saunders...