• ar lefel y Cwricwlwm Cenedlaethol
• i gwrdd â gofynion byrddau arholi TGAU a Safon A

Mae'n cyflwyno detholiad o ffynonellau gwreiddiol i ddisgyblion, gan gynnwys dogfennau, lluniau, tapiau sain a fideo, a'u gosod o fewn eu cyd-destun hanesyddol ehangach. Trefnir y wybodaeth mewn modd thematig. Dyma rai awgrymiadau o'r modd y gallai testunau yn safle Ymgyrchu! hybu cynlluniau gwaith eich ysgol.

CYFNOD ALLWEDDOL 3

Mae safle Ymgyrchu! yn cwrdd â gofynion dwy raglen astudio: 'Byd yr Ugeinfed Ganrif', ac 'Un Thema Hanesyddol'. Gallai'r defnydd o'r ffynonellau hybu datblygiad yr Elfennau Allweddol i gyd, yn ogystal â chynnig cyfleoedd i weithredu a datblygu sgiliau TG a'r Cwricwlwm Cymreig.

Testunau o ddiddordeb arbennig:

Rhyfel a Heddwch:

• mae'r Rhyfel Byd Cyntaf yn cynnwys poster recriwtio; llun o ddynion yn cael eu recriwtio yng Nghaerdydd; ac amlyga'r ohebiaeth rhwng Kate Roberts a'i brawd dyndra teulu Cymreig adeg y Rhyfel.
• mae'r Ail Ryfel Byd yn cynnwys ffilm o noddedigion yn cyrraedd Cymru o Lerpwl; a lluniau o'r bomio yn Abertawe.

TGAU

Mae safle Ymgyrchu! yn cwrdd â gofynion nifer o astudiaethau manwl, amlinellol a thematig TGAU. Gallai gynorthwyo i ddarparu deunyddiau dysgu ar gyfer ymarferion ffynonellau, ac at ddibenion disgyblion sy'n gwneud ymchwil ar gyfer gwaith cwrs.

Testunau o ddiddordeb arbennig:

Y Blwch Pleidleisio:

• mae Merched a'r Bleidlais yn cynnwys llun o brotest gan y Swffragetiaid yn erbyn Lloyd George yn 1912.

Brwydrau Llafur:

• mae y Streic Fawr,1926, yn cynnwys llun o A. J. Cook; a chopi o'r North Wales Chronicle, Mai 1926.

Yr Iaith Gymraeg:

• mae'n cynnwys comic strip yn hybu Addysg Gymraeg; a darlith enwog Saunders Lewis ar Dynged yr Iaith.

SAFON A

Rhydd safle Ymgyrchu! gyfle i ddisgyblion Safon A drafod natur amrywiaeth o ffynonellau hanesyddol cyfoes, gan hybu eu dealltwriaeth o'r gorffennol.

Testunau o ddiddordeb arbennig:

Y Blwch Pleidleisio:

• mae'n cynnwys llun o Lloyd George a'i Gabinet yn 1916, ac amrywiaeth o daflenni etholiadol.

Brwydrau Llafur:

• mae'n cynnwys erthygl am Streic y Penrhyn; a chopi o'r Miners' Next Step.

Rhyfel a Heddwch:

• straeon o ddiddordeb Cymreig am y ddau Ryfel Byd a'r Rhyfel Cartref yn Sbaen.

Rydym yn ddiolchgar i Nia Wiliams, Swyddog Addysg Hanes, Amgueddfeydd ac Orielau Cenedlaethol Cymru, am ei chyfraniad i safle 'Ymgyrchu!'.

Y mae'n bosibl trefnu ymweliad â Llyfrgell Genedlaethol Cymru i fyfyrwyr safon A er mwyn archwilio rhai o'r ffynonellau a'r casgliadau ymhellach. Dylid gwneud trefniadau gydag Emyr Lloyd Jones, Oriel Gregynog, neu Mari Wyn, yr Adran Farchnata.

Sylwer na roddir tocynnau darllen Llyfrgell Genedlaethol Cymru fel arfer i rai o dan 18 mlwydd oed.